Տնտեսական13:06, 23 Նոյեմբեր 2016
Այս տարի Անթալիա մեկնող ռուս զբոսաշրջիկների թիվը նվազել է 84%-ով
Այս տարվա հունվար-նոյեմբեր ամիսներին Թուրքիայի զբոսաշրջության ոլորտը միլիոնավոր զբոսաշրջիկներ է կորցրել, որոնց հիմնական մասը կազմում են Ռուսաստանից ժամանողները: Ռուսական ռազմական ինքնաթիռի խոցումից մեկ տարի անց թուրքական «Sondakika.com» կայքը ներկայացրել է 2 երկրների հարաբերություններում առաջացած ժամանակավոր ճգնաժամի հասցրած վնասները տուրիզմի ոլորտին:
Մասնավորապես համեմատություն է անցկացվել 2015-ի տարեսկզբից մինչև նոյեմբերի 24-ը (ռուսական ինքնաթիռի խոցման օրը) և 2016 տարեսկզբից մինչև նոյեմբերի 24-ն ընկած ժամանակահատվածում Թուրքիայի ամենահայտնի զբոսավայր` Անթալիա ժամանած ռուս զբոսաշրջիկների թվաքանակի միջև: Ըստ այդմ` 2015-ի նույն ժամանակահատվածի համեմատությամբ 2016-ին այդ թիվը նվազել է 84 տոկոսով` 2 մլն 800.000-ից նվազելով 452.000-ի: Ընդ որում, 432.000-ը Թուրքիա է այցելել սեպտեմբերի 2-ից հետո, երբ ռուսական կողմը կրկին թուլյատրեց չարտերային չվերթների իրականացումը:
2016-ի հունվարի 1-ից մինչև օգոստոսի 31-ը Անթալիա ժամանած ռուս զբոսաշրջիկների թիվը չի անցել 20.000-ը այն դեպքում, երբ նախորդ տարվա նույն ժամանակահատվածում այդ թիվը կազմել էր 2 մլն 170.000:
Հանգստավայր-քաղաքի տնտեսության լոկոմոտիվը հանդիսացող ոլորտի 30-35 տոկոսը ձևավորվում է Ռուսաստանից ժամանող զբոսաշրջիկների հաշվին:
Նշվում է, որ զբոսաշրջության ոլորտում այս տարի արձանագրված անկումը այս կամ այն չափով ազդել է հարակից մոտ 52 ոլորտի վրա, ինչը հյուրանոցների աշխատակազմերի կրճատումից մինչև սննդի ոլորտի արտադրանքի սպառման դժվարությունների պատճառ է դարձել:
Այս ենթաբաժնի վերջին նորությունները
2024թ առաջին եռամսյակում Թուրքիայից Հայաստան արտահանումերը կազմել են 124.000 դոլար:
Ավելի վաղ հաղորդվել էր, որ Համաշխարհային բանկը (ՀԲ) Թուրքիային լրացուցիչ 18 մլրդ դոլար Է հատկացրել ներդրումային ծրագրերի համար:
Թուրքական մեդիայում նշվում է, որ ՌԴ-ից ունեցած կախումը նվազեցնելու համար Թուրքիան գազի ներկրման շուրջ բանակցություններ է սկսել ամերիկյան ընկերության հետ:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
2024թ առաջին եռամսյակում Թուրքիայից Հայաստան արտահանումերը կազմել են 124.000 դոլար:
Ֆրանսիայի խորհրդարանն ընդունել է Առաջին աշխարհամարտի ընթացքում Օսմանյան կայսրության կողմից իրականացրած ասորիների ցեղասպանությունը ճանաչող բանաձև
Անվտանգության տեսախցիկներն արձանագրել են, թե ինչպես է տղամարդը հարձակվում ոստիկանի վրա։
Նշվում է, որ զորավարժություններին հետևել է ԱՄՆ ռազմաօդային ուժերի հրամանատարը, այլ բարձրաստիճան զինվորականներ։
Պաղեստինի Գազայի հատվածի շուրջ զարգացումները քննարկելու համար ստեղծված կոնտակտային խմբի նիստի շրջանակներում հանդիպել են Թուրքիայի և ԱՄՆ-ի արտգործնախարարները։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |