Քաղաքական08:13, 21 Նոյեմբեր 2016
Հայ պատագամավորի հարցը հունից հանել է Թուրքիայի ԶՈՒ շտաբի պետին
Ստամբուլում անցկացվող ՆԱՏՕ-ի խորհրդարանական վեհաժողովի 62-րդ նստաշրջանի ընթացքում պաշտպանության և անվտանգության հանձնաժողովի նիստի ժամանակ Թուրքիայի զինված ուժերի գլխավոր շտաբի պետ Հուլուսի Աքարը պատասխանել է մասնակիցների հարցերին:
Թուրքական «Takvim» լրատվական կայքի տեղեկացմամբ՝ Աքարը, անդրադառնալով Հայոց ցեղասպանության վերաբերյալ Նահապետյանի դիտարկմանը, որ փաստը ճանաչել է 26 պետությունը, հիշեցրել է Գալիլեո Գալիլեյի մասին, որը 16-րդ դարում հայտարարում էր, որ աշխարհը պտտվում է, իսկ աբողջ աշխարհը հակառակն էր պնդում:
«Այն որ ամբողջ աշխարհը ժխտում էր դա, իրականությունը, որ Երկիրը պտտվում է, չփոխվեց: Հետևաբար, եթե բոլոր երկրներն էլ, ասեն, որ ցեղասպանություն է եղել, դա չի փոխի այն իրողությունը, որ այդպիսի բան տեղի չի ունեցել»:
Անդրադառնալով Նահապետյանի հարցին, թե Թուրքիան, երբ է զորքերը դուրս բերելու Սիրիայից՝ Աքարը նշել է, որ Թուրքիան Սիրիայի և Իրաքի հետ տարածքային ամբողջականության հարցում որևէ խնդիր չունի: Ըստ Աքարի՝ յուրաքանչյուր մեկնաբանություն, թե Թուրքիան խախտում է այդ երկրների տարածքային ամբողջականությունը, եթե անտեղյակության և անփորձության հետևանք չէ, ապա արվում է հետին մտքով:
Աքարը, խոսքն ուղղելով հայ պատգամավորին. «Եթե պատգամավորը տեղյակ չէ, ապա հետին մտքեր ունի կամ սուտ է խոսում: Այլ բացատրություն չկա, քանի որ Թուրքիայի զինված ուժերը Հալեպի հետ որևէ կապ չեն ունեցել՝ մեկ փամփուշտ անգամ չեն կրակել: Եթե կա մեկը, որ կարող է ասել, թե Թուրքիան անգամ 1 փամփուշտ է կրակել Հալեպի ուղղությամբ, ես հրաժարական կտամ»:
Աքարի խոսքերով, Թուրքիան իր զորքը Սիրիայից և Իրաքից հետ կքաշի այն ժամանակ, երբ ահաբեկչությանը վերջը տրվի և Թուրքիայի ժողովրդի անվտանգությունը ապահովվի:
Հիշեցնենք, որ Հայաստանի ներկայացուցիչ Կորյուն Նահապետյանը հարց էր ուղղել նաև Թուրքիայի արտգործնախարար Մևլութ Չավուշօղլուին: Վերջինս, պատասխանի ժամանակ ներկայացնելով Հայոց ցեղասպանության վերաբերյալ Թուրքիայի ժխտողական թեզերը և մեղադրելով Հայաստանին Ադրբեջանի «տարածքի 20 բռնազավթելու մեջ», շփոթվել և ասել էր. «Ի՞նչ է, ե՞ս եմ օկուպացրել Հայաստանը, ներողություն, մի՞թե դուք չեք բռնազավթել Ադրբեջանի 20 տոկոսը, դո՞ւք չեք, որ բռնազավթել եք Ղարաբաղը»:
Այս ենթաբաժնի վերջին նորությունները
Թուրքական մեդիայում մեծ տարածում են գտել Թուրքիայի նախագահ Ռեջեփ Թայիփ Էրդողանի առաջիկա օրերին ԺՀԿ առաջնորդի հետ հանդիպման մասին լուրերը:
Անկարայի համալսարարանը նշում է, որ ցույցերին մասնակցած համալսարականները ձերբակալվում են և համալսարանում բողոքի ցույցերը դադարեցնելու համար՝ բուհերն անցնում են հեռավար կրթության։
Հանդիպման օրակարգում են եղել երկկողմ հարաբերություններն ու տարածաշրջանային և միջազգային զարգացումները:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Ermenihaber.am-ը Հայոց ցեղասպանության 109-րդ տարելիցի կապակցությամբ հատուկ հարցազրույց է անցկացրել Հայոց ցեղասպանության թանգարան-ինստիտուտի տնօրենի հետ։
Առաջնահերթ հարցն ուղղակի սա է. հարգանք ցուցաբերել հայ հանրության ցավի, ցեղասպանության կորուստների նկատմամբ...
«Դուք Իսրայելի վարչապետին մեղադրում եք նացիստական գործելաոճի մեջ, սակայն մյուս կողմից էլ շարունակում եք Իսրայելի հետ ինտենսիվ առևտրատնտեսական հարաբերոթյունները»։
Արաբ դիվանագետը նշել է, որ Թուրքիան այդ ծրագիրը ներկայացրել է նաև ԱՄՆ-ին և Իսրայելին, սակայն արաբական շատ երկրներ, այդ թվում Եգիպտոսը, դեմ են արտահայտվել առաջարկին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |