Միջազգային07:37, 11 Նոյեմբեր 2016
Գերմանիան երկարացրել է իր զորախմբի գործունեության ժամկետը Թուրքիայի Ինջիրլիքի ռազմաբազայում
Գերմանիայի խորհրդարանում անցկացված քվեարկության արդյունքում երկարաձգվել է Թուրքիայի Ադանա նահանգում տեղակայված և ՆԱՏՕ-ի կողմից օգտագործվող Ինջիրլիքի ռազմաբազայում գերմանական զորախմբի գործունեության ժամկետը:
Խորհրդարանի նոր որոշմամբ` 250 հոգանոց զինվորական անձնակազմը և 6 «Տորնադո» ռազմական ինքնաթիռները կշարունակեն ծառայությունը Ինջիրլիքի ռազմաբազայում մինչև 2017 թվականի դեկտեմբերի 31-ը:
Հունիսին Գերմանիայի բունդեսթագի` Հայոց ցեղասպանությունը ճանաչելուց հետո 2 երկրների միջև առաջացած լարվածության ֆոնին Թուրքիան Բունդեսթագի պատգամավորներին չէր թույլատրել այցելել Ինջիրլիքում գտնվող գերմանացի զինծառայողներին, ինչն ավելի էր մեծացրել փոխադարձ լարվածությունը: Դրանից հետո Գերմանիայի քաղաքական շրջանակներում հաճախակիացան «Իսլամական պետություն» (ԻՊ) ահաբեկչական կազմակերպության դեմ պայքարի շրջանակներում Ինջիրլիքում տեղակայված գերմանական զորակազմի այնտեղից դուրս բերման մասին խոսակցությունները: Սակայն ավելի ուշ Գերմանիայի կառավարությունը ռազմաբազայում 60 մլն եվրո ներդրում կատարելու պայմանով համաձայնության էր եկել Թուրքիայի կառավարության հետ ու քաղաքական պաշտոնյաների համար զորակազմին այցելելու թույլտվություն ստացել:
Բունդեսթագում գերմանական զորակազմի՝ Ինջիրլիքում գտնվելու ժամկետը երկարաձգելու վերաբերյալ քննարկման ժամանակ երկարաձգմանը կտրուկ դեմ են արտահայտվել «Ձախերի» ու «Կանաչների» կուսակցությունների խմբակցությունները:
Բանաձևը հնարավոր է եղել ընդունել միայն կոալիցիոն «Քրիստոնեական միություն» և «Սոցիալ դեմոկրատական» գերակշռող ձայների շնորհիվ:
Նույն որոշմամբ Բունդեսթագը հավանություն է տվել նաև Ինջիրլիքի ռազմաբազա «AWACS» ռազմական ինքնաթիռներ ուղարկելու մասին ՆԱՏՕ-ի պահանջին:
Այս ենթաբաժնի վերջին նորությունները
Թուրքիայի նախագահը նաև քննադատել է Արևմուտքին Իրանի քայլերը դատապարտելու համար:
Թուրքիայի արտաքին գործերի նախարար Հաքան Ֆիդանը հեռախոսազրույց էր ունեցել Էնթոնի Բլինքենի հետ։
Հանդիպման ընթացքում կքննարկվեն երկկողմ հարաբերությունները, ռուս-ուկրաինական, արաբա-իսրայելական պատերազմները։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ըստ Մուրթա Բարդաքչըի՝ հայ և թուրք ժողովուրդների միջև «արյուն» է մտել, իսկ արյունը Արևելքում երբեք չի մոռացվում:
ԱՄՆ ֆինանսների և պետդեպարտամենտի կողմից հայտարարված նոր պատժամիջոցներն ընդհանուր առմամբ ուղղված են մոտ 300 ընկերությունների, անհատների և կազմակերպությունների դեմ:
Սպիտակ տունն օգտագործել է այս միջոցը՝ փորձելով արգելափակել այնպիսի ապրանքների առևտուրը, ինչպիսիք են միկրոչիպերը, որոնք ռուսական արդյունաբերությանն անհրաժեշտ են զենք ստեղծելու համար:
Տնտեսական համագործակցության և զարգացման կազմակերպությունը (OECD) հրապարակել է Թուրքիայի գնաճի կանխատեսումների վերաբերյալ զեկույց։
Թուրքիայի արտգործնախարարի հայտարարությունը մեծ արձագանք է գտել համաշխարհային մամուլում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |