Քրդամետ «Ժողովուրդների դեմոկրատական կուսակցությունը» Թուրքիայի դեմ հայց կներկայացնի ՄԻԵԴ

Իրավական10:32, 07 Նոյեմբեր 2016

Քրդամետ «Ժողովուրդների դեմոկրատական կուսակցությունը» Թուրքիայի դեմ հայց կներկայացնի ՄԻԵԴ

Թուրքիայի քրդամետ ընդդիմադիր «Ժողովուրդների դեմոկրատական կուսակցությունը» (HDP-ԺԴԿ) պատրաստվում է իր ձերբակալված անդամների գործով հայց ներկայացնել Մարդու իրավունքների Եվրոպական դատարան (ՄԻԵԴ):

Ըստ թուրքական «İlerihaber.com» լրատվական կայքի` այդ նպատակով ԺԴԿ-ի իրավաբանների գլխավորությամբ ստեղծվել է իրավական հանձնաժողով:

Հանձնաժողովը պատգամավորների կալանավորումը բողոքարկելու նպատակով դիմելու է նաև Թուրքիայի սահմանադրական դատարան: Նշվում է, որ հանձնաժողովն ուսումնասիրում է նաև ԺԴԿ-ական պատգամավորների ձերբակալություններից առաջ և հետո վարչապետ Բինալի Յըլդըրըմի և նախարարների կողմից արված հայտարարությունները` դրանք ևս հայցադիմումին կցելու նպատակով:

Հանձնաժողովը արդեն ՄԻԵԴ-ին տեղեկացրել է նախապատրաստվող հայցերի մասին:

Հիշեցնենք, որ նոյեմբերի 4-ի առավոտյան ձերբակալվելէին ԺԴԿ-ի համանախագահներ Սելահհեթթին Դեմիրթաշի և Ֆիգեն Յուքսեքդաղը, ինչպես նաև կուսակցության անդամ ևս 9 պատգամավոր: Ձերբակալվածներից 9-ի, այդ թվում՝ 2 համանախագահների վերաբերյալ ազատազրկման որոշում է կայացվել: ԺԴԿ-ական գործիչները մեղադրվում են ահաբեկչական խմբավորումների հետ համագործակցության մեջ: Դեմիրթաշը արդեն տեղափոխվել է Էդիրնեի, իսկ Յուքսեքդաղը՝ Քոջաելիի բանտ:

Աղբյուր` Ermenihaber.am

Այս ենթաբաժնի վերջին նորությունները

09:45, 14 օգոս

Թուրքիայում գլխավոր ընդդիմադիր կուսակցապետի նկատմամբ հետաքննություն է սկսվել

Օզգյուր Օզելը մեղադրվում է Թուրքիայի նախագահին վիրավորելու մեջ:

13:21, 12 օգոս

Թուրքիայում քրդերեն խոսելու համար ընտանիքը ծեծի է ենթարկվել

Միջադեպը տեղի է ունեցել օգոստոսի 11-ին, երբ ընտանիքը վերադառնում էր ճամփորդությունից։

10:49, 29 հուլ

Ազատազրկվել է միջազգային քրեական դատարանում Էրդողանի դեմ հայցվոր ընդդիմադիր կուսակցապետը

Ընդդիմադիր HKP-ի առաջնորդ Նուրրուլահ Էֆե Անքութը դատապարտվել է 1 տարի 2 ամիս և 22 օր ազատազրկման։

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Թուրքիան ինչու՞ է սպառնում Սիրիայի քրդերին

Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները: