Տարածաշրջան07:55, 07 Նոյեմբեր 2016
Էրդողան. «Սրանից հետո մեզ համար կարևոր չէ, թե մեր մասին ով ինչ կասի»
Թուրքիայի նախագահ Ռեջեփ Թայիփ Էրդողանը Ստամբուլի Բժշկական գիտությունների համալսարանում ունեցած ելույթի ժամանակ անդրադարձել է քրդամետ ընդդիմադիր «Ժողովուրդների դեմոկրատական կուսակցության» (HDP-ԺԴԿ) պատգամավորների ձերբակալություններին ու դրանց վերաբերյալ Արևմուտքից ստացվող արձագանքներին:
Էրդողանը քրդամետ կուսակցության պատգամավորներին մեղադրել է Թուրքիայում արգելված ու ահաբեկչական հայտարարված «Քուրդիստանի բանվորական կուսակցությանը» (ՔԲԿ-PKK) աջակցելու մեջ:
«Մենք այդ հնարավորությունը ստեղծեցինք, ասացինք` թող գան խորհրդարան (ԺԴԿ-ին նկատի ունի-խմբ.), իրենց պայքարն այնտեղ ծավալեն, բայց դրանով չբավարարվեցին: 80 մանդան ստացան, հաջորդ օրը Դիարբեքիրում ժողովրդին փողոց հանեցին ու 50 մարդու մահվան պատճառ դարձան: Դա նրանք են արել: Կատարվածը շատ բացահայտ է ու պարզ»,- ասել է Թուրքիայի նախագահը:
Էրդողանը նշել է, որ պատգամավորներին անձեռնմխելիությունից զրկելը բոլոր կուսակցությունների վրա է տարածվում` ավելացնելով. «Մեջլիսը մայիսին բոլոր պատգամավորներին զրկեց անձեռնմխելիությունից: Բոլորը, այդ թվում կուսակցության նախագահները, սկսեցին ցուցմունքներ տալ: Սակայն այդ կուսակցությունը (ԺԴԿ) սկսեց սադրանքներ իրականացնել այդ թեմայով: Այդ անմիտները, անձեռնմխելիությունից օգտվելով, մարտահրավեր են նետում պետությանն ու ժողովրդին ու ցանկանում երկիրը վատ դրության մեջ դնել միջազգային արենայում»:
Անդրադառնալով Եվրամիությունից հնչող քննադատություններին` Թուրքիայի նախագահն ասել է, որ իր համար կարևոր չէ Արևմուտքի ասածը, ու իր համար կարևորը իր ժողովրդի կարծիքն է:
«Ի՞նչ պիտի սպասենք Արևմուտքից, որը Թուրքիային 53 տարի սպասեցնումէ ԵՄ-ի դռների մոտ: Մեր պորտը ինքներս կկտրենք: Այսուհետ մեզ համար կարևոր չէ, թե ով ինչ կասի»,- ասել է Էրդողանը:
Թուրքիայի նախագահը Արևմուտքին մեղադրել է նաև քուրդ զինյալներին զենք տրամադրելու մեջ:
«PKK-ն սպանել է 787 անվտանգության աշխատակցի ու 312 քաղաքացիական բնակչի: Ավելի քան 4 հազար անվտանգության աշխատակցի է վիրավորել: 5.500 հատ զենք 650.000 փամփուշտ ու 142 տոննա պայթուցիկ նյութ է առգրավվել նրանցից: Դրանց ձեռքերից առգրավված զենքերը ամբողջությամբ Արևմուտքինն է: Արդարացումն (Արևմուտքի-խմբ.) էլ հետևյալն է`«Կոալիցիոն ուժերին ենք տվել»:
Այս ենթաբաժնի վերջին նորությունները
Այցի շրջանակներում կողմերը կքննարկեն ապրանքաշրջանառության ծավալները 5 մլրդ դոլարի հասցնելու հարցը։
Մայիսի 15-ին Ֆաթիհ թաղամասում գտնվող «Եգիպտոսի շուկա»-կոչվող վայրում բռնկված հրդեհը մոտակայքում գտնվող մարդկանց շրջանում խուճապ է առաջացրել:
AFAD-ի հաղորդմամբ՝ ցնցումը գրանցվել է Թուրքիայի արևմտյան հատվածում գտնվող Իզմիր նահանգի Քարաբուրուն շրջանի Էգեյան ծովին հարող տարածքում:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Լավագույն տասնյակի մեջ Թուրքիայի զինված ուժերը զբաղեցնում են 3-րդ հորիզոնականը։
Բյուլենթ Յըլդըրըմի պնդմամբ՝ Ադրբեջանը Ջեյհան խողովակաշարով վառելիք է ուղարկել իսրայելական ինքնաթիռներին։
Նախարարները մտքեր են փոխանակել պատմական «Մետաքսի ճանապարհի» կամրջի համատեղ վերականգնման շուրջ
Իզմիրի նահանգապետարանը քառօրյա ժամկետով արգելել է ցույցեր ու բողոքի ակցիաներ կազմակերպելը։
Ռուսաստանը թուրքական նավահանգիստների միջոցով վառելիքի վաճառքից ստացել է մոտ 3 մլրդ եվրո։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |