Միջազգային06:35, 04 Նոյեմբեր 2016
Թուրքիայի արտգործնախարարը վերջնագիր է ներկայացրել Եվրամիությանը
Պաշտոնական այցով Շվեյցարիայում գտնվող Թուրքիայի արտգործնախարար Մևլութ Չավուշօղլուն հայտարարել է, որ եթե Եվրամիությունը (ԵՄ) Թուրքիայի քաղաքացիների համար մոտ օրերս չվերացնի վիզային ռեժիմը, ապա իրենք կչեղարկեն ԵՄ-ի հետ կնքած հետ ընդունման (ռեադմիսիայի) համաձայնագիրը:
Ռեադմիսիայի համաձայնագիրը Թուրքիայի ու ԵՄ-ի միջև կնքվել է դեռևս 2013-ի դեկտեմբերին: Նշյալ համաձայնագրի կիրառմամբ Թուրքիան պարտավորվելու է հետ ընդունել իր տարածքով անօրինական ճանապարհներով ԵՄ անցած փախստականներին: Թուրքիան պարտավոր է հետ վերադարձված փախստականներին ապաստան հատկացնել:
Ըստ թուրքական «Yeniakit» թերթի կայքի` Չավուշօղլուն հայտարարել է, որ իրենք չեն սպասելու մինչև տարեվերջ:
«Մեր համբերությունն արդեն սպառվում է, և մենք առաջիկա օրերին ԵՄ-ից պատասխան ենք սպասում: Եթե պատասխան չստացվի, մենք կչեղարկենք այդ պայմանագիրը»,- սպառնացել է Թուրքիայի արտգործնախարարը:
Թուրքիայի քրեական օրենսգրքում ահաբեկչության մասին օրենքը մեղմացնելու վերաբերյալ ԵՄ-ի պահանջներին ի պատասխան էլ Չավուշօղլուն ասել է, որ իրենք փոփոխություն կատարել են նշյալ օրենքում:
Հիշեցնենք, որ վիզային ռեժիմը չեղարկելու համար ԵՄ-ի կողմից Թուրքիային առաջադրված 72 կետանոց պահանջներից մեկն էլ հենց ահաբեկչության մասին օրենքում փոփոխություն կատարելն էր:
Այս ենթաբաժնի վերջին նորությունները
Թուրքիայի թվային ենթակառուցվածքները կվերաձևավորվեն համաշխարհային մրցակցությանը համապատասխան։
Մոլդովայում գործունեություն է ծավալում 1200 թուրքական ընկերություն։
Նախարարները նաև համաձայնել են շարունակել նման ձևաչափով հանդիպումները։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Բացարձակապես չի նշվում, որ միջնադարյան այդ քաղաքն ու եկեղեցին հայկական են։
Պատրիարքարանի փակ լինելու վերաբերյալ Մաշալյանն ասել է, որ այդ հարցում Հայաստանը թույլ էր տվել արարողակարգային սխալ:
Նախատեսվում է, որ ատոմակայանի առաջին բլոկը կսկսի էլեկտրաէներգիա արտադրել 2026-ին։
Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։
Հունիս ամսվա գնաճի հետ մեկտեղ 15.57%-ով բարձրացվել է պետական ծառայողների աշխատավարձը:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |