Էրդողան. «Ահաբեկչության դեմ պայքարում Ռուսաստանի կարիքն ունենք»

Քաղաքական08:37, 25 Հոկտեմբեր 2016

Էրդողան. «Ահաբեկչության դեմ պայքարում Ռուսաստանի կարիքն ունենք»

Թուրքիայի նախագահ Ռեջեփ Թայիփ Էրդողանը հայտարարել է, որ Թուրքիան Մերձավոր Արևելքում ահաբեկչության դեմ պայքարում Ռուսաստանի նախագահ Վլադիմիր Պուտինի աջակցության կարիքն ունի:

Թուրքական «Դողան» լրատվական գործակալության տեղակացմամբ՝ ռուսական «Ռոսսիա-1» հեռուստաալիքին տված հարցազրույցում Էրդողանը նշել է, որ ահաբեկչության դեմ պայքարում Ռուսաստանի հետ համագործակցելու համար պատրաստ է անել ցանկացած անհրաժեշտ քայլ:

Անդրադառնալով նախորդ տարվա նոյեմբերի 24-ին Թուրքիայի կողմից ռուսական ռազմական ինքնաթիռի խոցման դեպքին՝ Թուրքիայի նախագահը այն բնորոշել է, որպես «ցավալի միջադեպ»:

«Սիրիայի տարածքում տեղի ունեցած այս դեպքի մեղավորները ձերբակալվել են և ներկայումս ընթանում է նրանց դատավարությունը: Ռուս օդաչուի մահվան պատճառը դարձած անձը այս պահին բանտում է»,-ասել է նա:

Թուրքիայում ռուս-թուրքական համագործակցությամբ կառուցվող Աքքույու ատոմակայանի շինարարությանը մասին խոսելիս Էրդողանը նշել է, որ այն կարևոր նախագիծ է, որը հնարավորինս շուտ պետք է ավարտին հասցնել:

Աղբյուր` Ermenihaber.am

Այս ենթաբաժնի վերջին նորությունները

14:39, 27 հուն

Թուրքիայի առևտրի նախարարը հանդիպել է ՌԴ փոխվարչապետի հետ

Կողմերը քննարկել են առևտրաշրջանառության ծավալը հասցնել 100 մլրդ դոլարի և մտքեր են փոխանակել առաջիկա ժամանակահատվածում իրականացվելիք նախագծերի վերաբերյալ։