Տնտեսական07:58, 10 Հոկտեմբեր 2016
Պուտինն ու Էրդողանը կարող են «Թուրքական հոսք» գազատարի վերաբերյալ պայմանագիր ստորագրել
Ստամբուլում այսօր` հոկտեմբերի 10-ին անցկացվող Միջազգային էներգետիկ համաժողովի նիստի շրջանակներում հանդիպելու են Թուրքիայի և Ռուսաստանի նախագահներ Ռեջեփ Թայիփ Էրդողանն ու Վլադիմիր Պուտինը:
Ըստ թուրքական «Haberler.com» լրատվական կայքի` 2 նախագահների հանդիպման օրակարգի ամենակարևոր թեմաներն են լինելու «Թուրքական հոսք» գազատարի կառուցման, Թուրքիայում Ռուսաստանի կողմից կառուցվող Աքքույու ատոմակայանի, Թուրքիայի քաղաքացիների նկատմամբ կրառվող վիզային ռեժիմի և Սիրիայի հիմնախնդրի հետ կապված հարցեր:
Թուրքական աղբյուրը, հղում անելով էներգետիկ փորձագետներին, նշում է, որ ամենայն հավանականությամբ այսօրվա հանդիպման ժամանակ Պուտինն ու Էրդողանը կստորագրեն «Թուրքական հոսքի» շինարարության պայմանագիրը:
Սպասվում է նաև, որ փոփոխություններ կմտցվեն Ռուսաստանից բնական գազի գնման վերաբերյալ համաձայնագրի մեջ` ծավալների մեծացման առումով:
Նշվում է, որ Թուրքիան պնդելու է, որպեսզի Ռուսաստանը ամենակարճ ժամանակում վերացնի իր քաղաքացիների նկատմամբ կիրառվող վիզային ռեժիմը: Սակայն ռուսական կողմը դրական չի նայում այդ հանգամանքին` մտավախություն ունենալով, որ կմեծանա ռադիկալ իսլամիստների հոսքը Ռուսաստան:
Կողմերը կքննարկեն նաև Աքքույու ատոմակայանի շինարարության արագացման հետ կապված հարցեր:
Այսօրվա հանդիպումը ռուսական ռազմական ինքնաթիռի խոցումից հետո 2 երկրների ղեկավարների միջև տեղի ունեցող արդեն 3-րդն է օգոստոսի 9-ին Սանկ Պետերբուրգում և սեպտեմբերի 3-ն Հոնկ Կոնգում կայացած հանդիպումներից հետո:
Այս ենթաբաժնի վերջին նորությունները
Անցած շաբաթ Թուրքիայի նախագահ Ռեջեփ Թայիփ Էրդողանը հայտարարել էր Իսրայելի հետ առևտրի սահմանափակումների մասին։
Թուրքիայի էներգետիկայի և բնական պաշարների նախարարը նշել է, որ նպատակադրված են մինչև 2035 թվականը 60 գիգավատով ավելացնել արևային և հողմային էներգետիկ հզորությունը։
Թուրքիայի խորհրդարանում ընդունվել է օրենքի առաջարկ, որի համաձայն, երկիրը իրավասու է ներկրվող բնական գազը վերածել հեղուկ գազի և արտահանել այն:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |