Տարածաշրջան07:49, 30 Սեպտեմբեր 2016
Հունաստանը Թուրքիայից պահանջում է հարգել Լոզանի պայմանագիրը
Թուրքիայի նախագահ Ռեջեփ Թայիփ Էրդողանի վերջին հայտարարությունը Լոզանի պայմանագրի վերաբերյալ բուռն արձագանք է ստացել Հունաստանում:
Նշենք, որ Էրդողանը հայտարարել էր, որ Լոզանի պայմանագիրը Թուրքիայի համար ոչ թե հաղթանակ, այլ պարտություն էր, քանի որ Թուրքիան կորցրեց մինչ այդ իրեն պատկանող Էգեյան ծովի կղզիները, որոնք այժմ Հունաստանին են պատկանում:
Թուրքական «Timeturk» լրատվական կայքի տեղեկացմամբ՝ Հունաստանի արտաքին գործերի նախարարությունը հայտարարություն է տարածել՝ Թուրքիայից պահանջելով հարգել 1923 թվականին կնքված պայմանագիրը: «Լոզանի պայմանագիրն ու ամբողջ միջազգային իրավունքը քաղաքակիրթ աշխարհի իրողություններն են, և որևէ մեկը, այդ թվում նաև Անկարան, չեն կարող դա ժխտել: Բոլորը պետք է հարգեն այն, ինչքան էլ որ իրենց համար ցավալի լինի»,- նշված է Հունաստանի ԱԳՆ-ի հայտարարության մեջ:
Թուրքական աղբյուրը նշում է, որ Էրդողանի խոսքերը դարձել են Հունաստանի լրատվամիջոցների գլխավոր թեման, մեկնաբանություններով ու հայտարարություններով հանդես են եկել գրեթե բոլոր քաղաքական գործիչները: Վերջիններս Էրդողանի հայտարարությունը որակել են վտանգավոր: Նրանց կարծիքով՝ այդ հայտարարությունը մի մասն է այն նախաձեռնությունների, որոնցով թուրքական իշխանություններն անընդհատ փորձում են հարցականի տակ դնել Էգեյան ծովի կղզիների վրա Հունաստանի գերիշխանությունը:
Հունական կուսակցությունների ներկայացուցիչները համոզված են, որ նման հայտարարություն անելու համար ընտրված ժամանակը պատահական չէ, քանի որ այն համընկավ Կիպրոսի բանակցությունների ակտիվ շրջանի և փախստականների հարցի լուծման ուղղված աշխատանքների հետ:
Լոզանի պայմանագիրը կնքվել է 1923 թվականի հուլիսի 24-ին: Այն պաշտոնապես ազդարարեց հույն-թուրքական պատերազմի ավարտը: Հստակեցվեց Թուրքիայի սահմանները Հունաստանի, Բուլղարիայի, Իրաքի հետ:
Լոզանի պայմանագիրը առնչվում է նաև հայկական հարցին: Պայմանագրով կարգավորվում է Թուրքիայի և այնտեղ բնակվող կրոնական փոքրամասնությունների փոխհարաբերությունները: Ըստ պայմանագրում առկա կետերի՝ Թուրքիայում բոլոր քաղաքացիները պաշտոնապես համարվում են թուրք, իսկ հայերը, հույները, ասորիներն ու հրեաները գրանցվում են որպես կրոնական փոքրամասնություն:
Պայամանագրով Թուրքիայի կրոնական փոքրամասնություններին իրավունք է տրվում սեփական համայնքային դպրոցներ, բարեգործական հիմնադրամներ և այլ հաստատություններ բացել: Իսկ Թուրքիայի կառավարությունը պարտավորվում է պաշտպանության տակ առնել կրոնական համայնքներին պատկանող աղոթատեղիները, սրբավայրերը ու կրոնական փոքրամասնություններին պատկանող այլ հաստատություններ:
Այս ենթաբաժնի վերջին նորությունները
Ստորգետնյա ցնցումների ուժգնությունն էպիկենտրոնում կազմել է 4.2 մագնիտուդ։
Իսկ Թուրքիայում այս տարի նախատեսվում է հորատել 140 նավթահոր՝ ածխաջրածնային պաշարների հանքավայրեր որոնելու համար։
Էպիկենտրոնը եղել է Իզմիրի Սեֆերիհիսար շրջանը, որտեղ ցնցման ուժգնությունը կազմել է 4.5 բալ:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
2024թ առաջին եռամսյակում Թուրքիայից Հայաստան արտահանումերը կազմել են 124.000 դոլար:
Անվտանգության տեսախցիկներն արձանագրել են, թե ինչպես է տղամարդը հարձակվում ոստիկանի վրա։
Նշվում է, որ զորավարժություններին հետևել է ԱՄՆ ռազմաօդային ուժերի հրամանատարը, այլ բարձրաստիճան զինվորականներ։
Պաղեստինի Գազայի հատվածի շուրջ զարգացումները քննարկելու համար ստեղծված կոնտակտային խմբի նիստի շրջանակներում հանդիպել են Թուրքիայի և ԱՄՆ-ի արտգործնախարարները։
Վերջին անգամ Թուրքիան 2021-ին էր ընդունել արքայական մարզաձևի գրան պրիներից մեկը։ Այդ գրան-պրիում հաղթել էր ֆինլանդացի ավտոարշավարորդ Վալտերի Բոտտասը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |