Չավուշօղլուն հայտարարել է, որ Բաքվում քննարկել է Հայաստանի հետ խաղաղության հասնելու մասին հարցեր

Տարածաշրջան13:24, 25 Հուլիս 2016

Չավուշօղլուն հայտարարել է, որ Բաքվում քննարկել է Հայաստանի հետ խաղաղության հասնելու մասին հարցեր

Թուրքիայի արտաքին գործերի նախարար Մևլութ Չավուշօղլուն երկրում կատարված ռազմական հեղաշրջման անհաջող փորձից հետո հրավիրված առաջին ասուլիսի ժամանակ խոսել է նաև Հայաստանի և Ադրբեջանի միջև խաղաղության հաստատման մասին:

Ըստ թուրքական «Anadolu» պետական լրատվական գործակալության` Չավուշօղլուն հայտարարել է, որ իր բնորոշմամբ գյուլենականների հրահրած հեղաշրջման փորձից առաջ Ադրբեջան կատարած այցի գլխավոր թեմաներից մեկը եղել է Հայաստանի և Ադրբեջանի միջև խաղաղության հաստատման խնդիրը:

Թուրք բարձրաստիճան դիվանագետը շեշտել է, որ այս թեմայով հանդիպումներ է ունեցել Ադրբեջանում` ավելացնելով սակայն, որ Հայաստանի հետ որևէ շփում չի ունեցել: Չավուշօղլուի խոսքով ինքը սահմանափակվել է միայն հայաստանցի պաշտոնակցի հետ միջազգային համաժողովների ժամանակ բարևելով ու զրուցելով:

Թուրք նախարարը չի զլացել ևս մեկ անգամ հիշեցնել Ադրբեջանին ցուցաբերվող Թուրքիայի աջակցության մասին.

«Մենք այդ հարցում միշտ Ադրբեջանի կողքին ենք եղել: Քննարկումներ ենք ունեցել Ադրբեջանի համար ընդունելի բոլոր լուծումների և համատեղ իրականացվելիք քայլերի վերաբերյալ»:

Աղբյուր` Ermenihaber.am

Այս ենթաբաժնի վերջին նորությունները

16:22, 26 օգոս

Աշխարհի 50 ամենագեղեցիկ գյուղերի ցանկում կա նաև գյուղ Թուրքիայից

50 գյուղից կաղմված ցանկում Թուրքիայի Օրթահիսարը զբաղեցրել է 40-րդ հորիզոնականը։

13:28, 26 օգոս

Ստամբուլի ջրամբարների լցվածությունը վերջին շաբաթում ռեկորդային չափով նվազել է

Ապրիլին ջրամբարների լցվածությունը կազմում էր 82 տոկոս իսկ հիմա՝ հազիվ 24 տոկոս։

21:14, 25 օգոս

Էրդողան․ «Զանգեզուրի անցումը մեր ողջ տարածաշրջանի համար խաղաղության նախագիծ է»

Թուրքիայի նախագահը նշել է, որ այդ նախագծի կյանքի կոչման հետ միասին Թուրքիայի, Ադրբեջանի և Հայաստանի միջև տնտեսական համագործակցությունը նոր մասշտաբ կստանա: