Տարածաշրջան07:06, 30 Հունիս 2016
Պարզվել է Ստամբուլում պայթյուններ իրականացրած ահաբեկիչների ինքնությունը
Պարզվել է հունիսի 28-ի երեկոյան Ստամբուլի «Աթաթուրք» օդանավակայանում ահաբեկչական գործողություններ իրականացրած մահապարտների ինքնությունը: Թուրքական «Haberler.com» լրատվակայքի տեղեկացմամբ՝ վերջիններս Տաջիկստանի քաղաքացիներ են:
Օդանավակայանի տեսախցիկների և ականատեսների վկայությունների հիման վրա հաջողվել է ստանալ դեպքի հնարավորինս ամբողջական պատկերը: Երեք ահաբեկիչները օդանավակայան են եկել տաքսիով և անմիջապես բարձրացել վերևի հարկ՝ ուղևորների ժամանման սրահ: Ոստիկաններից մեկը կասկածանքով փորձել է ստուգել նրանց անձնագրերը: Այդ պահին ահաբեկիչներից մեկը, վախենալով, որ իրենց բացահայտել են, կրակել է ոստիկանի վրա:
Այնուհետև օդանավակայանի անվտանգությունն ապահովող ոստիկանների և ահաբեկիչների միջև փոխհրաձգություն է սկսվել, որի ընթացքում ահաբեկիչները այսուայն կողմ են փախչել: Նրանցից մեկը վիրավորվել է ու վայր ընկել: Բայց նրան հաջողվել է գործի դնել իր վրա տեղադրված պայթուցիկ սարքը: Մյուս երկուսը գրեթե միաժամանակ իրենք իրենց պայթեցրել են ժամանող ուղևորների ելքի դռան մերձակայքում:
Հիշեցնենք, որ հունիսի 28-ի երեկոյան 22:00-ի սակմաններում Ստամբուլի «Աթաթուրք» օդանավակայանում տեղի ունեցած 3 հաջորդական պայթյունները 42 քաղաքացու մահվան և շուրջ 240 քաղաքացու վիրավորվման պատճառ են դարձել: Զոհվածների և վիրավորների մեջ կան ավելի քան երկու տասնյակ օտարերկրյա քաղաքացիներ: Ըստ պաշտոնական տեղեկությունների՝ տուժածների մեջ Հայաստանի քաղաքացիներ չկան:
Այս ենթաբաժնի վերջին նորությունները
Միջազգային հետազոտության համաձայն՝ մարդկային գործունեության հետևանքով փոփոխված կլիման 22%-ով ավելի է խստացրել շոգ, չոր և քամոտ պայմանները։
50 գյուղից կաղմված ցանկում Թուրքիայի Օրթահիսարը զբաղեցրել է 40-րդ հորիզոնականը։
Ապրիլին ջրամբարների լցվածությունը կազմում էր 82 տոկոս իսկ հիմա՝ հազիվ 24 տոկոս։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ներկայացված են իշխանական և ընդդիմադիր կայքերում հրապարակված լուրերի ու վերլուծական հոդվածների հիմնական շեշտադրումները։
Կինը Թուրքիայում դիտվել և դիտվում է որպես պետության «դաստիարակած» քաղաքացի, այլ ոչ թե պայքարող անկախ սուբյեկտ։
Ջևդեթ Յըլմազը արձագանքել է Իսրայելի վարչապետ Բենիամին Նեթանյահուի 1915-ի Հայոց ցեղասպանության վերաբերյալ հայտարարություններին:
Մանսուր Յավաշն ասել է, որ Գազայում իրականացվող գործողությունների ֆոնին Իսրայելի վարչապետը բարոյական իրավունք չունի խոսելու մարդասիրությունից։
Միջազգային հետազոտության համաձայն՝ մարդկային գործունեության հետևանքով փոփոխված կլիման 22%-ով ավելի է խստացրել շոգ, չոր և քամոտ պայմանները։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |