Քաղաքական10:46, 03 Մայիս 2016
«Financial Times»-ի անդրադարձը Էրդողան-Դավութօղլու լարվածությանը
Բրիտանական «Financial Times» թերթն անդրադարձել է Թուրքիայի իշխող «Արդարություն և զարգացում» կուսակցության (ԱԶԿ-AKP) առաջնորդների՝ երկրի նախագահ Ռեջեփ Թայիփ Էրդողանի և վարչապետ Ահմեթ Դավութօղլուի միջև առկա լարվածությանը:
Թուրքական ընդդիմադիր «Cumhuriyet» թերթի կայքի փոխանցմամբ՝ անգլիական պարբերականն առաջ է քաշել այն կարծիքը, որ այդ կոնֆլիկտի պատճառը Եվրամիության (ԵՄ) հետ վիզաների շուրջ ձեռք բերված համաձայնությունն է:
Հունաստան անցած գաղթականներին ընդունելու վերաբերյալ դեռևս մարտին վարչապետ Դավութօղլուի կողմից ԵՄ-ին արված առաջարկը, ըստ աղբյուրի, զարմացրել էր Գերմանիայի կանցլեր Անգելա Մերկելին և փոխել փախստականների ճգնաժամի ընթացքը:
«Դա անակնկալ քաղաքական հնարք էր: Քանի որ պարոն Դավութօղլուն այս հարցում չէր խորհրդակցել Թուրքիայի ամենահզոր անձի՝ նախագահ Էրդողանի հետ:
ԵՄ ներկայացուցիչներից մեկը, որի անունը չի նշվում, ընդգծել է, որ ԵՄ-Թուրքիա 6-ամսյա բանակցությունների ողջ ընթացքում Էրդողանն առաձնապես մասնակից չի եղել գործընթացին: Նշվում է նաև, որ եթե Թուրքիայի վարչապետը մինչև հունիս չկարողանա հասնել ազատ վիզային ռեժիմի վերաբերյալ պայմանավորվածության իրագործմանը, ապա դա կարող է սպառնալիք ստեղծել Դավութօղլուի հետագա պաշտոնավարության համար:
Մինչդեռ վարչապետի խոսնակներից մեկն էլ «Financial Times»-ի հետ զրույցում նշել է, որ Թուրքիա-ԵՄ համաձայնությունը Թուրքիայի քաղաքական գործընթացների հետ կապելն անհիմն է:
Եվրոպական մի բարձրաստիճան պաշտոնյա էլ այն տեսակետն է առաջ քաշել, թե Էրդողանը Դավութօղլուի հետ խաղ է խաղում:
«Եվրոպացի լիդերների համար Դավութօղլուի հետ բանակցելու դրական կողմն այն է, որ զերծ են մնում Էրդողանի հետ առնչվելուց: Քանզի Էրդողանը, ով դատական գործեր է հարուցում լրագրողների դեմ, ճնշում քրդական ընդդիմադիր ուժերին և մարդու իրավունքների հարցերով խրատներ տվող Արևմուտքին իր տեղն է ցույց տալիս, հետզհետե ավելի ավտորիտար է դառնում», - եզրակացնում է թերթը՝ հավելելով. «ԵՄ-ն ցանկանում է, որ Դավութօղլուն հաջողության հասնի, քանզի նրան ընկալում է որպես մի դեմք, ով կարող Էրդողանի ավտորիատար պահվածքի վրա մեղմացնող ազդեցություն թողնել»:
Այս ենթաբաժնի վերջին նորությունները
Պաղեստինյան «ՀԱՄԱՍ» խմբավորումը հաղորդագրություն է տարածել Արդարադատության միջազգային դատարան Իսրայելի դեմ հարուցված գործին։
Թուրքիայի արտգործնախարարի հայտարարությունը մեծ արձագանք է գտել համաշխարհային մամուլում։
Ըստ Մուրթա Բարդաքչըի՝ հայ և թուրք ժողովուրդների միջև «արյուն» է մտել, իսկ արյունը Արևելքում երբեք չի մոռացվում:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ըստ Մուրթա Բարդաքչըի՝ հայ և թուրք ժողովուրդների միջև «արյուն» է մտել, իսկ արյունը Արևելքում երբեք չի մոռացվում:
ԱՄՆ ֆինանսների և պետդեպարտամենտի կողմից հայտարարված նոր պատժամիջոցներն ընդհանուր առմամբ ուղղված են մոտ 300 ընկերությունների, անհատների և կազմակերպությունների դեմ:
Սպիտակ տունն օգտագործել է այս միջոցը՝ փորձելով արգելափակել այնպիսի ապրանքների առևտուրը, ինչպիսիք են միկրոչիպերը, որոնք ռուսական արդյունաբերությանն անհրաժեշտ են զենք ստեղծելու համար:
Թուրքիայի արտգործնախարարի հայտարարությունը մեծ արձագանք է գտել համաշխարհային մամուլում։
Թուրքիայի պաշտպանության նախարարը նաև անդրադարձել է Հունաստանի կողմից 5-րդ սերնդի գերժամանակակից F-35 կործանիչներ գնելու վերաբրյալ հարցին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |