Sabah-ը հրապարակել է լուսանկար, որում Ադրբեջանի քարտեզն առանց Լեռնային Ղարաբաղի է

Միջազգային11:30, 08 Փետրվար 2016

Sabah-ը հրապարակել է լուսանկար, որում Ադրբեջանի քարտեզն առանց Լեռնային Ղարաբաղի է

Զբոսաշրջության համաշխարհային ֆորումի (World Tourism Forum) գլխավոր նիստի շրջանակներում փետրվարի 4-ին Ստամբուլում կազմակերպվել է նախարարների հանդիպում, որին մասնակցել են Ադրբեջանի, Թուրքիայի, Մակեդոնիայի, Գանայի ներկայացուցիչները:

Թուրքական առաջատար «Sabah» թերթի կայքում թեմայի առնչությամբ տեղ գտած լուրը ուղեկցվել է ուշագրավ լուսանկարով: Միջացառման ընթացքում արված լուսանկարում պատկերված են մասնակից երկրների ներկայացուցիչ նախարարները, որոնց թիկունքում երևում են տվյալ երկրի քարտեզն ու դրոշը: Լուսանկարում պարզ երևում է, որ Ադրբեջանի քարտեզում ներառված չէ Լեռնային Ղարաբաղը:

Այս հանգամանքը գրավել է «Sabah»-ի ընթերցողների ուշադրությունը, որոնք նյութի մեկնաբանություններում իրենց բողոքն են արտահայտել Ադրբեջանի «աղավաղված» քարտեզի կապակցությամբ:

Լուսանկարը արագորեն արձագանք է գտել նաև ինտերնետային այլ լրատվամիջոցների շրջանում և առաջացրել ադրբեջանցիների դրոշը: Կարճ ժամանակ անց թուրքական թերթն իր կայքից հեռացրել է աղմկահարույց լուսանկարը:

Աղբյուր` Ermenihaber.am