Քաղաքական11:47, 05 Փետրվար 2016
The Economist. «Թուրքիայում աշխարհիկության հիմնադիր Աթաթուրքի ստվերը վերանում է»
Անգլիական հայտնի «The Economist» պարբերականում «Էրդողանի նոր սուլթանությունը» խորագրով հոդված է հրապարակել, որտեղ անդրադարձ է կատարվել Թուրքիայի ներքաղաքական կյանքին:
Թուրքական «Radikal» լրատվական կայքը, հղում անելով անգլիական պարբերականին, նշում է, որ հոդվածում ուշադրություն է դարձվում այն հանգամանքին, որ երկիրը իսլամականացվում է:
Նշվում է, որ այն բանից հետո, երբ Թուրքիայում իշխանության եկավ «Արդարություն և զարգացում» (ԱԶԿ-AKP) կուսակցությունը Թուրքիայի քաղաքական, տնտեսական և սոցիալական իրավիճակը կտրուկ փոփոխության ենթարկվեց:
Մասնավորապես, ԱԶԿ-ի` իշխանության գալով Թուրքիայի հանրապետությունում մեծապես սկսեց աճել իսլամի դերը: Եվ աստիճանաբար Թուրքիայում սկսեց անկում ապրել Թուրքիայի առաջին նախագահ Մուստաֆա Քեմալ Աթաթուրքի կողմից առաջ քաշած աշխարհիկության սկզբունքը:
«90 տարի առաջ Օսմանյան կայսրության մոխիրներում աշխարհիկ պետություն ստեղծած և մոդերնիզացման կողմնակից Քեմալ Աթաթուրքի ստվերը սկսում է անհետանալ»,-գրում է պարբերականը
Հոդվածում անդրադարձ է կատարվում նախորդ տարվա հունիս ամսին Թուրքիայում տեղի ունեցած խորհրդարանական ընտրություններին, որտեղ ԱԶԿ-ն չստացավ այնքան քվե, որքան անհրաժեշտ էր խորհրդարանում բացարձակ մեծամասնություն կազմելու համար: «Դա բավականին անսպասելի էր իշխող կուսակցության համար: Սակայն դրանից հետո Թուրքիայում 2015թ. նոյեմբերին տեղի ունեցած արտահերթ խորհրդարանական ընտրությունները իշխող ԱԶԿ-ի համար հաջող դասավորվեցին և վերջինս ի վերջո ստացավ այնքան քվեներ, որոնք թույլ տվեցին խոհրդարանում բացարձակ մեծամասնություն կազմել: Այնուամենայնիվ, չնայած նրան, որ Թուրքիայում բնակչության կեսը սատարում է Էրդողանին, մյուս կեսը թերահավատորեն է վերաբերվում Էրդողանի վարած քաղաքականությանը, կամ դրան դեմ հանդես գալիս»,-ասվում է հոդվածում:
Ըստ հոդվածի` երկրորդ ընտրությունները ԱԶԿ-ի համար մեծ ռիսկեր էին պարունակում, սակայն Էրդողանի կուսակցության ներսում կատարված կադրային փոփոխությունները ի վերջո տվեցին իրենց արդյունքը:
Այս ենթաբաժնի վերջին նորությունները
Ըստ Մուրթա Բարդաքչըի՝ հայ և թուրք ժողովուրդների միջև «արյուն» է մտել, իսկ արյունը Արևելքում երբեք չի մոռացվում:
Պաղեստինի Գազայի հատվածի շուրջ զարգացումները քննարկելու համար ստեղծված կոնտակտային խմբի նիստի շրջանակներում հանդիպել են Թուրքիայի և ԱՄՆ-ի արտգործնախարարները։
Ֆրանսիայի խորհրդարանն ընդունել է Առաջին աշխարհամարտի ընթացքում Օսմանյան կայսրության կողմից իրականացրած ասորիների ցեղասպանությունը ճանաչող բանաձև
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
2024թ առաջին եռամսյակում Թուրքիայից Հայաստան արտահանումերը կազմել են 124.000 դոլար:
Անվտանգության տեսախցիկներն արձանագրել են, թե ինչպես է տղամարդը հարձակվում ոստիկանի վրա։
ԱՄՆ ֆինանսների և պետդեպարտամենտի կողմից հայտարարված նոր պատժամիջոցներն ընդհանուր առմամբ ուղղված են մոտ 300 ընկերությունների, անհատների և կազմակերպությունների դեմ:
Վերջին անգամ Թուրքիան 2021-ին էր ընդունել արքայական մարզաձևի գրան պրիներից մեկը։ Այդ գրան-պրիում հաղթել էր ֆինլանդացի ավտոարշավարորդ Վալտերի Բոտտասը։
Սպիտակ տունն օգտագործել է այս միջոցը՝ փորձելով արգելափակել այնպիսի ապրանքների առևտուրը, ինչպիսիք են միկրոչիպերը, որոնք ռուսական արդյունաբերությանն անհրաժեշտ են զենք ստեղծելու համար:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |