Ղարաբաղ08:52, 28 Հունվար 2016
Պոլսահայ լրագրողի կարծիքով ԵԽԽՎ-ում ընդունված հակահայ բանաձևը մերժված բանաձևից վտանգավոր է
Եվրոպայի խորհրդի խորհրդարանական վեհաժողովում (ԵԽԽՎ) հունվարի 26-ին կայացավ Հայաստանին և Արցախին առնչվող 2 զեկույցների քվեարկությունը: Դրանք են՝ բրիտանացի պատգամավոր Ռոբերտ Ուոլթերի՝ «Բռնության աճը Լեռնային Ղարաբաղում և Ադրբեջանի մյուս օկուպացված տարածքներում» և Բոսնիայի ու Հերցեգովինայի ներկայացուցիչ Միլիցա Մարկովիչի՝ «Ադրբեջանի սահմանամերձ բնակավայրերի բնակիչները կանխամտածված կերպով զրկվում են ջրից» վերնագրերը կրող զեկույցները: Քվեարկության արդյունքում առաջին բանաձևը մերժվեց, երկրորդը՝ հաստատվեց:
Պոլսահայ լրագրող ՐաֆՖի Հերմոն Արաքսը թուրքական ընդդիմադիր «T24.com.tr» լրատվակայքում տեղ գտած ծավալուն հոդվածով անդրադարձել է այդ բանաձևերի նշանակությանն ու որոշ մանրամասների:
Հոդվածն սկսվում է այն փաստի հիշեցմամբ, որ Հայաստանի և Ադրբեջանի միջև առկա խնդիրների կարգավորման համար 1992թ. ստեղծվել է ԵԱՀԿ Մինսկի խումբը, հետևաբար ջրային ռեսուրսների բաշխման հետ կապված խնդիրները ԵԽԽՎ-ի օրակարգ տեղափոխելու անհրաժեշտությունն ուղղակի չկար:
Հերմոն Արաքսը նկատում է, որ երկու բանաձևերից մեկի ընդունում, իսկ մյուսի մերժումը թե միջազգային մամուլում, թե հակամարտող կողմերի լրատվամիջոցներում միանշանակ չի ընդունվել. կամ միայն դրական, կամ միայն բացասական մեկնաբանությունների առիթ է դարձել: Մինչդեռ սա և դրական, և բացասական կողմեր ունեցող մեկ երևույթ է և պետք է դա դիտարկել իր ամբողջության մեջ:
«Ոմանք ասում են՝ հուռռա, բաժակը կիսով չափ լիքն է, ոմանք էլ թե՝ կեցցենք, կարողացանք բաժակը կիսով չափ դատարկ թողնել»:
Ինչպես նկատել է տալիս հեղինակը՝ այս միակողմանի մեկնաբանություններն իրականում մակերեսային և խաբուսիկ են: Ռոբերտ Ուոլթերի՝ արտաքուստ առավել քաղաքականացված և, ենթադրաբար, ընդունվելու դեպքում Հայաստանի համար առավել վտանգավոր հետևանքներով հարուստ բանաձևի մերժումը, թվում է, հայկական կողմի համար բավական շահավետ էր: Հետևաբար, կարելի է նույնիսկ աչք փակել այն հանգամանքի վրա, որ Հայաստանը նկատողություն ստացավ կապված ջրաբաշխման խնդրի հետ, ինչն ավելի շատ սոցիալական բնույթ կրող խնդիր է:
Մինչդեռ, ըստ հեղինակի դիտարկման, բանաձևերի վերնագրերը խաբուսիկ են և լիովին չեն արտացոլում դրանց տակ ներկայացվող տեքստերի բովանդակությունը:
«Առաջին բանաձևի ենթատեքստերում, որին, ի դեպ, Հայաստանը վերաբերվում է սոսկ որպես «ջրի խնդիր», իրականում կանմերժված բանաձևի բոլոր անցանկալի ձևակերպումները և նույնիսկ՝ շատ ավելի խիստ արտահայտված»,- ամփոփում է հոդվածի հեղինակը:
Այս ենթաբաժնի վերջին նորությունները
Թուրքիայի նախագահը MIT- հիմնադրման 97-ամյակին նվիրված միջոցառմանն անդրադարձել է Լեռնային Ղարաբաղի խնդրին:
Ֆիդանը հանդիպելու է նաև Ադրբեջանի արտգործնախարար Ջեյհուն Բայրամովի հետ, որից հետո կողմերը մամուլի ասուլիս կտան։
Թուրքիայի խորհրդարանում ընդունվել է Աղդամի ռուս-թուրքական մշտադիտարկման կենտրոնում Թուրքիայի զինանձնակազմի ծառայության ժամկետը երկարաձգելու մասին նախագիծ:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ըստ Մուրթա Բարդաքչըի՝ հայ և թուրք ժողովուրդների միջև «արյուն» է մտել, իսկ արյունը Արևելքում երբեք չի մոռացվում:
ԱՄՆ ֆինանսների և պետդեպարտամենտի կողմից հայտարարված նոր պատժամիջոցներն ընդհանուր առմամբ ուղղված են մոտ 300 ընկերությունների, անհատների և կազմակերպությունների դեմ:
Թուրքիայի պաշտպանության նախարարը նաև անդրադարձել է Հունաստանի կողմից 5-րդ սերնդի գերժամանակակից F-35 կործանիչներ գնելու վերաբրյալ հարցին։
Սպիտակ տունն օգտագործել է այս միջոցը՝ փորձելով արգելափակել այնպիսի ապրանքների առևտուրը, ինչպիսիք են միկրոչիպերը, որոնք ռուսական արդյունաբերությանն անհրաժեշտ են զենք ստեղծելու համար:
Թուրքիայի արտգործնախարարի հայտարարությունը մեծ արձագանք է գտել համաշխարհային մամուլում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |