Քաղաքական10:08, 16 Հունվար 2016
Թուրքիայի վարչապետ. «Մենք տարածաշրջանի առանցքային պետությունն ենք»
Թուրքիայի վարչապետ Ահմեթ Դավութօղլուի կարծիքով այդ երկիրը տարածաշրջանի առանցքային պետությունն է: Այդ մասին նա հայտարարել է Թուրքիայում ներդրում կատարող օտարերկրյա կապիտալով ընկերությունների ներկայացուցիչների հետ Դոլմաբահչե պալատում կայացած հանդիպման ժամանակ:
«HaberTurk» լրատվական ծառայության տեղեկացմամբ՝ վարչապետը ներկաներին հայտնել է, որ տարվա առաջին եռամսյակի համար թուրքական կառավարության տված խոստումների 60 տոկոսն արդեն կատարված է: Ներդրումների համար խիստ կարևոր քաղաքական և տնտեսական կայունությունը կարևորող Դավութօղլուն շեշտել է, թե վերջին 13 տարում Թուրքիան կարողացել է պահպանել այդ կայունությունը՝ չնայած եղել են ներքին քաղաքական խնդիրներ, տնտեսական դժվարություններ:
Դավութօղլուն նաև նշել է, որ համաշխարհային ֆինանսատնտեսական ճգնաժամից հետո մինչև օրս Թուրքիան կարողացել է 7 մլն մարդու համար զբաղվածություն ապահովել: Ըստ նրա ցուցանիշով ոչ մի երկիր Եվրոպայում չկա:
«Մենք այս տարածաշրջանի և աֆրո-ասիական գոտու առանցքային պետությունն ենք: Նախկին մետաքսի ճանապարհի փոխարեն այսօր էներգետիկ ճանապարհներն են, մեր երկիրը կարևորագույն էներգետիկ հանգույց է դարձել, ինչը նրան էլ ավելի է ուժեղացնելու քաղաքականապես ու տնտեսապես»,- ասել է Դավութօղլուն՝ շնորհակալություն հայտնելով օտար ներդրողներին Թուրքիայի հանդեպ ցուցաբերած հետաքրքրության համար: Կառավարության ղեկավարը նաև հավաստիացրել է, որ թուրքական իշխանություններն ամեն հնարավորը կանեն ներդրումային առավել բարենպաստ միջավայր ձևավորելու համար:
Այս ենթաբաժնի վերջին նորությունները
Թուրքիայի արտաքին գործերի նախարարության մամուլի խոսնակն անդրադարձել է Իրաքի Քիրքուկ քաղաքում տեղի ունեցող զարգացումներին։
Պատրիարքարանի փակ լինելու վերաբերյալ Մաշալյանն ասել է, որ այդ հարցում Հայաստանը թույլ էր տվել արարողակարգային սխալ:
Թուրքիայի գլխավորած պատվիրակությունը մասնակցելու է «Տնտեսական համագործակցության կազմակերպության» 17-րդ գագաթնաժողովին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրենքի նախագիծը 28 պատգամավորի ստորագրությամբ արդեն ներկայացվել է Թուրքիայի ազգային մեծ ժողով։
Բացարձակապես չի նշվում, որ միջնադարյան այդ քաղաքն ու եկեղեցին հայկական են։
Պատրիարքարանի փակ լինելու վերաբերյալ Մաշալյանն ասել է, որ այդ հարցում Հայաստանը թույլ էր տվել արարողակարգային սխալ:
Նախատեսվում է, որ ատոմակայանի առաջին բլոկը կսկսի էլեկտրաէներգիա արտադրել 2026-ին։
Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |