Մշակութային09:14, 11 Հունվար 2016
Ստամբուլում կկայանա պոլսահայ երգչուհի Էրլին Թոմաօղլուի համերգը
Պոլսահայ անվանի երգչուհի Էրլին Թոմաօղլուն փետրվարի 11-ին համերգով հանդես կգա Ստամբուլի Շիշլիի մշակույթի տանը: Թուրքական «Sözcü» թերթի կայքի տեղեկացնում է, որ համերգին հնչելու են ինչպես նոր հեղինակային ստեղծագործություններ, այնպես էլ հին ու հանրության կողմից վաղուց սիրված երգեր: Համերգի ընթացքում Թոմաօղլուն կկատարի երգեր 8 լեզվով՝ հայերեն, թուրքերեն, անգլերեն, ֆրանսերեն, իտալերեն, իսպաներեն, եբրաերեն և հունարեն: Համերգին կմասնակցի նաև Յուրի Ռյադչենկոյի գլխավորած նվագախումբը:
Իր իսկ բնորոշմամբ՝ Թոմաօղլուն իր երգերում համադրում է հայկական երաժշտությունն ու անատոլիական մոտիվները, միավորում տարբեր մշակույթներն ու գույները: Երգչուհին համոզված է, որ բոլոր լեզուները պետք է պահպանել որպես համաշխարհային մշակութային ժառանգության մաս: Ըստ Թոմաօղլուի՝ յուրաքանչյուր լեզվի ուսուցման ու տարածման գործում կարևոր նշանակություն ունի լեզվի մեղեդայնությունը:
Էրլին Թոմաօղլուն ծնվել է Ստամբուլում, միջնակարգ և բարձրագույն կրթություն է ստացել տեղի հայկական ուսումնական հաստատություններում: Հաճախել է դասական կիթառի դասերի, այնուհետև ավարտել Մարմարայի համալսարանի երաժշտական բաժինը: Բացի պրոֆեսիոնալ երաժշական գործունեությունից՝ Թոմաօղլուն հանդես է գալիս նաև որպես երաժշտության ուսուցիչ:
Հայ անվանի արվեստագերտն իր առաջին ձայնասկավառակը թողարկել է 2011թ.: Այն կոչվում էր «Senden sonra» (Քեզանից հետո) և բաղկացած էր 3 թուրքերեն հեղինակային երգերից: Իսկ երգչուհու երկրորդ՝ «Yıllar sonra» (Տարիներ անց / Տարիներ վերջ) վերնագրով ձայնասկավառակը ներառում է դարձյալ հեղինակային 11 երբ, բայց այս անգամ արդեն արևմտահայերեն:
Այս ենթաբաժնի վերջին նորությունները
Պոլսո հայոց պատրիարք Սահակ արքեպիսկոպոս Մաշալյանը նախագահել է Բալըքլըի գերեզմանատան Ս. Սարգիս մատուռի հրապարակում տեղադրված 84-րդ պատրիարքի կիսանդրիի բացումը:
Ներկայացումն առաջին անգամ ֆրանսերենով և թուրքերենով բեմադրվել է 2020-ին կազմակերպված «Ստամբուլի մշակութային և արվեստի հիմնադրամի» թատրոնի փառատոնի շրջանակներում:
Նա խաղացել է «Բարեպաշտություն», «Անհաջողակը», «Փրկություն» և մի շարք այլ ֆիլմերում։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ստորգետնյա ցնցումների ուժգնությունն էպիկենտրոնում կազմել է 4.2 մագնիտուդ։
Թուրքիայի արտգործնախարարը հանդիպել է Հորդանանի և Նորվեգիայի արտգործնախարարների, Եվրամիութայն խորհրդի փոխնախագահի ու Պաղեստինի վարչապետի հետ:
Նիկոս Դենդիասը Սալոնիկում հայտարարել է, որ պաշտպանունակության բարձրացմանը միտված ռեֆորմ է իրականացվում Հունաստանի բանակում։
Ավելի վաղ հաղորդվել էր, որ Համաշխարհային բանկը (ՀԲ) Թուրքիային լրացուցիչ 18 մլրդ դոլար Է հատկացրել ներդրումային ծրագրերի համար:
Հիշեցնենք, որ ապրիլի 22-ին Թուրքիայի նախագահ Էրդողանը 13 տարվա դադարից հետո պաշտոնական այցով մեկնել էր Իրաք:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |