Իրավական11:05, 06 Հունվար 2016
Դինքի ընտանիքը բողոքարկել է Թուրքիայի դատախազության որոշումը
Պոլսահայ հայտնի լրագրող Հրանտ Դինքի ընտանիքի փաստաբաններից Հաքան Բաքըրջըօղլուն բողոքարկել է 24 պետական ծառայողի նկատմամբ քրեական հետապնդումը դադարեցնելու Թուրքիայի դատախազության որոշումը։ Թուրքական «Milliyet» թերթը տեղեկացնում է, որ բողոքարկման դիմումը ներկայացվել է Ստամբուլի գլխավոր դատախազություն։
Նշենք, որ Թուրքիայի դատախազությունը «Ակոս» շաբաթաթերթի հիմնադիր-խմբագրապետ Հրանտ Դինքի սպանության գործում պաշտոնի չարաշահման մեջ մեղադրվող 43 պետական ծառայողի նկատմամբ քրեական հետապնդումը դադարեցնելու որոշում էր կայացրել։
Այս 24 պետական ծառայողների շարքում են Թուրքիայի ազգային հետախուզական կազմակերպության (MİT) ծառայակից Օզել Յըլմազը և Էրգուն Գյունգյորը, որը պոլսահայ լրագրողի սպանության ժամանակ եղել է Ստամբուլի նահանգապետի օգնականը։ Ըստ Դինք ընտանիքի փաստաբանի՝ Յըլմազը պատասխանտու է Դինքի սպանությունը չկանխելու, իսկ Գյունգորը, ինչպես նաև այդ շրջանում Ստամբուլի նահանգապետ Մուամմեր Գյուլերը պատասխանատու են Դինքի անվտանգությունը չապահովելու համար։
Ահա այն 24 հոգին, որոնց նկատմամբ քրեական հետապնդումը դադարեցնելու դատախազության որոշումը բողոքարկվել է․ Օզել Յըլմազ, Էրգուն Գյունգյոր, Սելիմ Քութքան, Բյուլենթ Քյոքսալ, Իբրահիմ Փալա, Իբրահիմ Շևքի Էլդիվան, Վոլքան Ալթունբուլաք, Բահադըր Թեքին, Օզջան Օզքան, Էնգին Աքչիչեք, Իզզեթ Աքդաղ, Սեյֆի Ինան, Դավութ Աթեշ, Մուրադ Չաքան, Ուֆուք Քաբա, Յալչըն Քարա, Վելի Քյուչյուք, Քեմալ Քերինչսիզ, Օքթայ Յըլդըրըմ, Գյուրքան Քուշչու , Օքթայ Դաշթան, Թոլգայ Սիվրիքայա, Սալիհ Ջիհան, Նեզաթ Մեթե։
Հիշեցնենք, որ Հրանտ Դինքը սպանվել է Ստամբուլում գտնվող «Ակոս» թերթի խմբագրության դիմաց՝ 2007 թվականի հունվարի 19-ին: Նրա սպանության գործով դատը Թուրքիայի ամենաաղմկահարույց դատական գործերից մեկն է, որ շարունակվում է արդեն 9 տարի:
Այս ենթաբաժնի վերջին նորությունները
Նրանց դեմ դատական գործ էր հարուցվել Թուրքիայի տարածքում անկախ կառավարություն ստեղծելու մասին հայտարարություններ անելու համար։
Պաղեստինյան «ՀԱՄԱՍ» խմբավորումը հաղորդագրություն է տարածել Արդարադատության միջազգային դատարան Իսրայելի դեմ հարուցված գործին։
ԵՄ անդամ պետությունը նման քայլի է գնացել` ի պատասխան Թուրքիայի կողմից Օսման Քավալայի և Սելահաթթին Դեմիրթաշի ազատ արձակման մասին եվրադատարանիի որոշումների անտեսմանը։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Հատկանշական է, որ աշխարհահռչակ պոլսահայ լուսանկարիչ-լրագրողի արխիվներից Գումգափուի հետ կապված նկարներն առաջին անգամ են հանվում ցուցադրության:
Նախքան Հայոց ցեղասպանությունն Օսմանյան կայսրությունում ապրում էր ավելի քան 2 մլն հայ:
Նրանց դեմ դատական գործ էր հարուցվել Թուրքիայի տարածքում անկախ կառավարություն ստեղծելու մասին հայտարարություններ անելու համար։
Նշվում է, որ Թուրքիայի կողմից ահաբեկչական կազմակերպություն համարվող «Քուրդիստանի բանվորական կուսակցության (PKK) դեմ ամռանը գործողություն սկսելուց առաջ սահմանին կտեղակայվեն S-400-ները։
Թուրքական մեդիայում տարածվող լուրերի համաձայն՝ իշխող ուժի և ազգայնականների առաջնորդների միջև տարաձայնություն կա։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |