Միջազգային13:18, 03 Նոյեմբեր 2015
ԵԱՀԿ դիտորդները Թուրքիայի ընտրությունների վերաբերյալ զեկույց են հրապարակել
ԵԱՀԿ դիտորդները հրապարակել են Թուրքիայում նոյեմբերի 1–ին կայացած խորհրդարանական ընտրությունների վերաբերյալ իրենց զեկույցը: Ըստ «Ակոս»-ի հրապարակման՝ ԵԱՀԿ պատվիրակությունն արձանագրել է հատկապես երկրի հարավ-արևելյան շրջաններում կուսակցությունների անդամների, քարոզարշավների անձնակազմի և կուսակցությունների գրասենյակների վրա իրականացված հարձակումները, ինչպես նաև՝ կուսակցությունների ազատ քարոզարշավ իրականացնելու հնարավորությունների սահմանափակումները:
Պատվիրակությունն անդրադարձել է նաև մամուլի անազատության խնդրին, լրագրողների նկատմամբ հարուցված հետաքննություններին, որոշ լրատվամիջոցների փակման դեպքերին, ընտրողների՝ տարբեր տեսակետների ծանոթանալու և տեղեկատվության այլընտրանքային աղբյուրներից օգտվելու հնարավորության սահմանափակումերին:
ԵԱՀԿ դիտորդները մասնավորապես ուշադրություն են հրավիրել այն հանգամանքի վրա, որ հատկապես ընտրություններին նախընտրական քարոզարշավի վերջին երկու շաբաթների ընթացքում հաճախացել են ընդդիմադիր «Ժողովուրդների դեմոկրատական» կուսակցության (ԺԴԿ-HDP) անդամների և ակտվիստների նկատմամբ հարձակումների կամ ձերբակալման դեպքերը: Բացի այդ ընդդիմադիր «Ժողովրդահանրապետական» կուսակցության (ԺՀԿ-CHP), «Ազգայնական շարժում» կուսակցության (ԱՇԿ- MHP) և ԺԴԿ-ի 33 անդամների նկատմամբ քրեական գործ է հարուցվել՝ նախագահ Էրդողանին և այլ պետական պաշտոնյաների վիրավորելու մեղադրանքով: Նմանատիպ մեղադրանքներով, ինչպես նաև ահաբեկչություններին աջակցելու մեղադրանքով քրեական հետաքննություններ են սկսվել նաև բազմաթիվ լրագրողների և մեդիա կառույցների դեմ:
Դիտորդներն արձանագրել են նաև, որ որոշ ընտրողների նկատմամբ բռնություններ և սպառնալիքներ են կիրառվել՝ որոշակի քաղաքական ուժերի օգտին քվեարկելու հարկադրանքով: ԵԱՀԿ դիտորդները ընդգծել են այն հանգամանքը, որ որոշ ընտրատեղամասերում կուսակցությունների կողմից հավատարմագրված դիտորդների գործունեությունը խոչընդոտվել է:
Այս ենթաբաժնի վերջին նորությունները
Մոռացված թղթապանակը, որի մեջ եղել են գաղտնի տեղեկություններ, հայտնաբերվել է օդանավակայանի աշխատակիցների կողմից։
Ուկրաինայի նախագահն անդրադարձել է ՌԴ նախագահի հետ հնարավոր հանդիպմանը՝ նշելով, որ առաջիկա 7–10 օրվա ընթացքում սպասում է անվտանգության երաշխիքների տրամադրմանը։
Գագաթնաժողովը կկայա 2026-ի հուլիսի 7-ից 8-ը՝ Թուրքիայի նախագահական համալիրում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Սեպտեմբերի 1-ին Թուրքիայի նախագահ Ռեջեփ Թայիփ Էրդողանը ելույթ է ունեցել «Շանհայի համագործակցության կազմակերպության» գագաթնաժողովում:
Հանդիպման ընթացքում քննարկվել են Թուրքիա–Հայաստան հարաբերությունները՝ Հարավային Կովկասում մնայուն կայունության և խաղաղության ուղղությամբ ձեռնարկված քայլերի համատեքստում:
Այս մասին Թուրքիայի նախագահը հայտարարել է Ադրբեջանի նախագահ Իլհամ Ալիևի հետ Չինաստանում ունեցած հանդիպման ժամանակ:
Շանհայի համագործակցության կազմակերպության գագաթնաժողովի շրջանակում կայացել է Թուրքիայի և ՌԴ նախագահների հանդիպումը։
Թուրքիայի նախագահը Մասուդ Փեզեշքյանի հետ զրույցում հայտարարել է, որ այն ինչ Գազայում իրականացվում է Իսրայելի կողմից, ոչ մի բացատրություն չունի:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |