Մշակութային08:20, 01 Հոկտեմբեր 2015
Ստամբուլում մեկնարկել է Այվազովսկու կտավների թվային ցուցահանդեսը
Աշխարհի մի շարք քաղաքներում կցուցադրվի աշխարհահռչակ հայ ծովանկարիչ Հովհաննես Այվազովսկու կտավների թվային ցուցահանդեսը:
Թուրքական «Anadolu» պետական լրատվական գործակալության տեղեկացմամբ՝ Ստամբուլում արդեն մեկնարկել է «Այվազովսկու Ստամբուլը» խորագիրը կրողը ցուցահանդեսը: Ցուցահանդեսի գլխավոր տնօրեն Բյուլենթ Օզուքանը, բացման արարողությունից առաջ հարցազրույց տալով «Anadolu» -ի լրագրողին, տեղեկացրել է, որ իրենք ձեռք են բերել աշխարհի տարբեր երկրների թանգարաններում և ցուցասրահներում գտնվող Այվազովսկու բնօրինակ ստեղծագործությունների թվային կրկնօրինակները ցուցադրելու և հրապարակելու իրավունքը:
Ըստ Օզուքանի՝ ստամբուլյան ցուցահանդեսի նախապատրաստական աշխատանքները տևել են շուրջ 3 տարի, այժմ ցուցահանդեսում ներառված են անվանի նկարչի 6.000-ի հասնող ստեղծագործություններից միայն 400-ը:
Ցուցահանդեսի տնօրենը նշել է նաև, որ Հովհաննես Այվազովսկին շուրջ 8 անգամ այցելել է Օսմանյան Կայսրություն, հյուրընկալվել ժամանակի օսմանյան կայսրերին, այդ ընթացքում նա Ստանբուլի շուրջ 200 կտավ է ստեղծել:
Նշենք, որ Այվազովսկու ծննդյան 200-ամյակի նախաշեմին, որը լրանում է 2017թ. նմանատիպ ցուցահանդեսներ նաև նախատեսվումայլ վարերում: Ղրիմի Թեոդոսիայի թանգարանում Այվազովսկու ստեղծագործություններին նվիրված թվային ցուցականդեսը կմեկնարկի սույն թվականի հոկտեմբերի 8-ին, Նյու Յորքում՝ հոկտեմբերի 15-ին, Երևանում՝ հոկտեմբերի 24-ին, իսկ Սանկտ Պետերբուրգում ցուցահանդեսը կկազմակերպվի արդեն 2016 թ.:
Նշենք նաև, որ թուրքական աղբյուրը շրջանցել էր Այվազովսկու՝ հայ լինելու հանգամանքը՝ աշխարհահռչակ ծովանկարչին ներկայացնելով նրա անվան ռուսերեն տառադարձությամբ՝ Իվան Այվազովսկի: Մինչդեռ նկարիչը ծնվել է Ղրիմի Թեոդոսիա քաղաքում բնակվող հայ առևտրական Գևորգ Այվազյանի ընտանիքում: Նրա ծննդյան մասին տեղի հայկական եկեղեցու ծննդյան և մկրտության մատյանում պահպանվել է «Գևորգ Այվազյանի որդի Հովհաննես» գրառումը:
Այս ենթաբաժնի վերջին նորությունները
Արա գյուլերի մրցաշարում առաջին տեղը գրավել է Ստամբուլում գործող հայկական «Կենտրոնական» ավագ դպրոցի սան Մարինա Աբդը:
Սերիալը կհեռարձակվի «Լույս TV»-ի եթերում՝ հայերեն հնչողությամբ և թուրքերեն ենթագրով։
Եկեղեցուն զուգահեռ վերանորոգվելու է հարակից տարածքում գտնվող և նախկինում ÇEK-ի կողմից շահագործված շենքը, որը ևս մշակութային կենտրոնի մի մասն է կազմելու:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |