Քաղաքական07:20, 24 Սեպտեմբեր 2015
Պեսկովը մանրամասներ է հայտնել Պուտին- Էրդողան հանդիպումից
Կրեմլի մամուլի խոսնակ Դմիտրի Պեսկովը մեկնաբանություններ է արել Ռուսաստանի նախագահ Վլադիմիր Պուտինի և Թուրքիայի նախագահ Ռեջեփ Թայիփ Էրդողանի՝ սեպտեմբերի 23-ին կայացած հանդիպման վերաբերյալ:
Թուրքական «Milliyet» պարբերականի համաձայն՝ Պեսկովը մասնավորապես նշել է, որ հանդիպման ժամանակ քննարկվել են Սիրիայի հարցը և թուրք-ռուսական գազատարի՝ «Թուրքական հոսքի» նախագծի վերսկսմանը վերաբերող խնդիրներ:
Պեսկովը հայտնել է, որ Սիրիայի հարցում երկու երկրների միջև տարաձայնությունները շարունակվում են: Սակայն ներկայումս երկու կողմի համար էլ սիրիական հարցի լուծումից ավելի կարևոր ու առաջնային է Սիրիայի դրության էլ ավելի վատթարացման կանխարգելումը:
Կրեմլի մամուլի խոսնակը ընդգծել է, որ չնայած Ռուսաստանի և Թուրքիայի միջև առևտրաշրջանառության ծավալների զգալի նվազմանը՝ Թուրքիան շարունակում է Ռուսաստանի կարևոր տնտեսական գործընկերը լինել:
«Հանդիպման ժամանակ քննարկվել է նաև բնական գազի թեման: Մեր օրակարգը բավական ծանրաբեռնված է: Նոյեմբերի 1-ի ընտրությունները որոշ չափով դանդաղեցնում են մեր աշխատանքը»,- նկատել է Պեսկովը: Իսկ լրագրողներից մեկի այն հարցին, թե արդյոք «Թուրքական հոսք» նախագծի շուրջ հանդիպման ընթացքում ձեռք է բերվել որևէ պայմանավորվածություն, Պեսկովը պատասխանել է. «Աշխատանքը շարունակվում է: Ընդհանուր մոտեցում կա: Սա բավական դժվար և համապարփակ աշխատանք է: Ամեն ինչ իր հունով առաջ է ընթանում»:
Պեսկովը նաև տեղեկացրել է, որ Պուտինն ու Էրդողանը ևս մեկ անգամ կհանդիպեն տարեվերջին կայանալիք Ռուսաստան-Թուրքիա բարձր մակարդակի համագործակցության խորհրդի նիստի ժամանակ:
Այս ենթաբաժնի վերջին նորությունները
Նման քայլը պայմանավորված է Նիկեայի 1-ին տիեզերական ժողովի 1700-րդ տարելիցով:
Օրակարգում եղել է Պաղեստինի Գազայի հատվածում տիրող իրավիճակը, ինչի շրջանակներում թուրք նախարարը կրկնել է Թուրքիայի աջակցությունը Պաղեստինին:
Էրդողանը նախագահականում ընդունել է Վրաստաի նախագահ Իրակլի Կոբախիձեին և նրա գլխավորած պատվիրակությանը:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Բյուլենթ Յըլդըրըմի պնդմամբ՝ Ադրբեջանը Ջեյհան խողովակաշարով վառելիք է ուղարկել իսրայելական ինքնաթիռներին։
Միթաթ Չելիքփալան կարծիք է հայտնել թուրքական ընդդիմադիր «Cumhuriyet» թերթին:
Էրդողանը պարտվել է Սերբիայում, որտեղ հաղթել է ՌԴ նախագահ Վլադիմիր Պուտինը՝ հավաքելով՝ 80% ձայն։
Մայիսի 15-ին Ֆաթիհ թաղամասում գտնվող «Եգիպտոսի շուկա»-կոչվող վայրում բռնկված հրդեհը մոտակայքում գտնվող մարդկանց շրջանում խուճապ է առաջացրել:
Իզմիրի նահանգապետարանը քառօրյա ժամկետով արգելել է ցույցեր ու բողոքի ակցիաներ կազմակերպելը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |