Տարածաշրջան11:13, 03 Սեպտեմբեր 2015
Դավութօղլուն «գաղնտի» դասիչով շրջաբերական է ուղարկել երկրի նահանգապետարաններին
Թուրքիայի վարչապետ Ահմեթ Դավութօղլուն, վկայակոչելով հաճախակի դարձած ահաբեկչական դեպքերը, երկրի բոլոր 81 նահանգապետարաններին «գաղտնի» դասիչով շրջաբերականներ է ուղարկել:
Համաձայն նշյալ շրջաբերականի՝ Ազգային հետախուզական ծառայությունը (MİT), ոստիկանությունը և ժանդարմերիան պետք է գործող միությունների, ՀԿ-ների, տեղական մամուլի, կայքերի և սոցկարքերի էջերի վերաբերյալ տեղեկություններ հաղորդեն կառավարությանը կից ստեղծված Վերահսկողության կենտրոնին:
Այս մասին տեղեկացնող թուրքական ընդդիմադիր «Zaman» պարբերականի կայքը հիշեցրել է, որ նախքան Դավութօղլուի վերոնշյալ շրջաբերականը նախագահ Ռեջեփ Թայիփ Էրդողանը հայտարարել էր, թե իր գյուղապետը պետք է գա ու «խելոք իրենց գավառապետին, ոստիկանության տնօրենին տեղեկացնի, թե որ տանը ով է ապրում»:
Էրդողանի այս հայտարարությունից հետո էլ Ներքին գործերի նախարարությունը հայտարարեց տեղեկություններ հաղորդող քաղաքացիներին պարգևատրելու մասին:
Դավութօղլուի շրջաբերականի մեջ նշվում է, որ «ահաբեկչական դեպքերի դեմ կատարվող միջոցառումների ազդեցությունը, համապատասխան կառույցների միջև համագործակցությունը մեծացնելու նպատակով» կառավարությանը կից ստեղծված կառույցի ենթաբաժիններ կստեղծվեն նաև նահանգներում ու շրջաններում: Յուրաքանչյուր նահանգում նահանգապետի գլխավորությամբ կստեղծվի «Նահանգային անվտանգության և հասարակական կարգի վերահսկողության կենտրոն», որի մեջ կներգրավվեն նահանգի կայազորի հրամանատարը, գլխավոր դատախազը, ժանդարմերիայի հրամանատարը, ոստիկանության պետը, MİT-ի ներկայացուցիչը և այլ անձինք՝ ըստ նահանգապետի հայեցողության:
Շրջաններում ստեղծվելու են «Շրջանային անվտանգության և հասարակական կարգի վերահսկողության կենտրոններ» տվյալ շրջանում վերոհիշյալ պետական կառույցները ներկայացնող պաշտոնյանների մասնակցությամբ:
Այս ենթաբաժնի վերջին նորությունները
Ստորգետնյա ցնցումների ուժգնությունն էպիկենտրոնում կազմել է 4.2 մագնիտուդ։
Իսկ Թուրքիայում այս տարի նախատեսվում է հորատել 140 նավթահոր՝ ածխաջրածնային պաշարների հանքավայրեր որոնելու համար։
Էպիկենտրոնը եղել է Իզմիրի Սեֆերիհիսար շրջանը, որտեղ ցնցման ուժգնությունը կազմել է 4.5 բալ:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ըստ Մուրթա Բարդաքչըի՝ հայ և թուրք ժողովուրդների միջև «արյուն» է մտել, իսկ արյունը Արևելքում երբեք չի մոռացվում:
ԱՄՆ ֆինանսների և պետդեպարտամենտի կողմից հայտարարված նոր պատժամիջոցներն ընդհանուր առմամբ ուղղված են մոտ 300 ընկերությունների, անհատների և կազմակերպությունների դեմ:
Սպիտակ տունն օգտագործել է այս միջոցը՝ փորձելով արգելափակել այնպիսի ապրանքների առևտուրը, ինչպիսիք են միկրոչիպերը, որոնք ռուսական արդյունաբերությանն անհրաժեշտ են զենք ստեղծելու համար:
Տնտեսական համագործակցության և զարգացման կազմակերպությունը (OECD) հրապարակել է Թուրքիայի գնաճի կանխատեսումների վերաբերյալ զեկույց։
Թուրքիայի արտգործնախարարի հայտարարությունը մեծ արձագանք է գտել համաշխարհային մամուլում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |