Հասարակական09:30, 14 Օգոստոս 2015
Նոր մանրամասներ «Քամփ Արմենի» վրա իրականացված հարձակումից. սա առաջին դեպքը չէ
(Լուսանկարում Արև Միրաքյանն է` «Քամփ Արմենում»)
Ստամբուլի Թուզլա շրջանում գտնվող «Քամփ Արմեն» հայկական որբանոց-ճամբարը վերադարձնելու համար պայքարող մի խումբ երիտասարդներ արդեն 100 օր է կիսաքանդ ճամբարում «Քամփ Արմենի համար դիմադրություն»» կարգախոսով շուրջօրյա հերթապահություն են իրականացնում որպես բողոքի-ակցիա:
Նախօրեին գիշերը ժամը 23:30–ի սահմաններում անհայտ անձինք մահակներով հարձակվել են ճամբարի տարածքում հերթապահող երիտասարդների վրա և ծեծի ենթարկել նրանց:
Ermenihaber.am-ը դեպքի մանրամասները ճշտելու համար փորձեց կապ հաստատել ճամբարում գտնվող երիտասարդների հետ:
«Քամփ Արմենի համար դիմադրության» մասնակիցներից Արև Միրքայանը, Ermenihaber.am-ի հետ զրույցում պատմեց, որ 2 մեքենայով 8 անհայտ անձինք, նախօրեին մտնելով Թուզլա, անցորդներից հարցրել են, թե որտեղ է գտնվում «Քամփ Արմենը», ապա գալով ճամբարի մոտ, դուրս են եկել մեքենաներից ու մահակներով ծեծի ենթարկել այնտեղ հերթապահություն իրականացնող 2 երիտասարդի:
Միրաքյանը նշում է, որ առաջին անգամ չէ, որ ճամբարի և դիմադրության մասնակիցների վրա հարձակում է տեղի ունենում:
«Նմանատիպ միջադեպեր նախկինում էլ են եղել: Օրինակ սրանից 2-3 օր առաջ 2 հոգի եկան ճամբար, քարեր նետեցին ճամբարի վրա ու փախան: Մի անգամ էլ պատռել էին ճամբարի մուտքին փակցված հայալեզու պաստառը, տեղը Թուրքիայի դրոշը կախել ու հեռացել»,- պատմում է նա:
Ermenihaber.am-ի այն հարցին, թե ճամբարի դիմադրության մասնակիցները գիտեն արդյոք, թե ովքեր են նման ռասիստական հարձակումների հեղինակները, Արևը նշեց, որ իրենք հստակ տեղեկություն չունեն, ամենայն հավանականությանմբ դա ազգայնական խմբերի ձեռքի գործն է:
Միրաքյանը տեղեկացրեց, որ երեկվա միջադեպի առնչությամբ իրենք դիմել են ոստիկանություն: Պատրաստվում են իրավական այլ քայլերի ևս դիմել: Միրաքյանը վստահեցրեց, որ նմանատիպ միջադեպերը չեն կարող կոտրել իրենց դիմադրության ոգին և իրենք շարունակելու են պայքարել ճամբարի վերադարձնելու համար:
Հիշեցնենք, որ «Քամփ Արմեն» հայկական ճամբարը Ստամբուլի Թուզլա շրջանում գտնվող լքյալ ու կիսաքանդ մի շինություն է: Ներկայումս ավերակի վերածված շինությունը ժամանակին եղել է չքավոր ու որբ հայ երեխաների ամառային ճամբարը: 8.552 քմ տարածք զբաղեցնող «ՔամփԱրմենը» 1961 թվականին գնվել է Հայ բողոքական եկեղեցու հիմնադրամի կողմից և ծառայել է որպես ամառային ճամբար` Գեդիկփաշայի հայկական դպրոցի չքավոր ու որբ սաների համար: Հայտնի է, որ այստեղ են մեծացել նաև 2007թ. Թուրքիայում սպանված հայտնի հայ լրագրող Հրանտ Դինքը և նրա կին Ռաքել Դինքը: Հետագայում ճամբարը թուրքական իշխանությունների կողմից ապօրինաբար խլվել է հայ համայնքի ձեռքից:
2015 մայիսի 6-ի առավոտյան ճամբարի ներկայիս սեփականատիրոջ նախաձեռնությամբ սկսվել էր ճամբար-մանկատան ապամոնտաժումը, սակայն կարճ ժամանակ անց Թուրքիայի հայկական համայնքի սկսած բողոքի լայնածավալ միջոցառումների շնորհիվ շինության ապամոնտաժումը ժամանակավորապես հնարավոր եղավ դադարեցնել: Ճամբարի ապամոնտաժումը թույլ չտալու նպատակով «Քամփ Արմեն»-ում սկսված հերթապահությունն ընթանում է արդեն 100 օր:
Այս ենթաբաժնի վերջին նորությունները
Նշենք նաև, որ թեմայի շուրջ հայտարարություններ է կատարել նաև Թուրքիայի խորհրդարանում երկու պատգամավորով ներկայացված, ձախակողմյան «Ժողովրդացարական շրջաններ» կուսակցությունը։
Թուրքիայում ՌԴ դեսպանատունն արդեն դիմել է ավիաընկերության ղեկավարությանը պարզաբանումների ստանալու համար։
«Թուրքիայի վիճակագրական ինստիտուտի» տվյալների համաձայն՝ նրանց թիվն ավելին քան 22 մլն է:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Ermenihaber.am-ը Հայոց ցեղասպանության 109-րդ տարելիցի կապակցությամբ հատուկ հարցազրույց է անցկացրել Հայոց ցեղասպանության թանգարան-ինստիտուտի տնօրենի հետ։
Առաջնահերթ հարցն ուղղակի սա է. հարգանք ցուցաբերել հայ հանրության ցավի, ցեղասպանության կորուստների նկատմամբ...
«Դուք Իսրայելի վարչապետին մեղադրում եք նացիստական գործելաոճի մեջ, սակայն մյուս կողմից էլ շարունակում եք Իսրայելի հետ ինտենսիվ առևտրատնտեսական հարաբերոթյունները»։
Արաբ դիվանագետը նշել է, որ Թուրքիան այդ ծրագիրը ներկայացրել է նաև ԱՄՆ-ին և Իսրայելին, սակայն արաբական շատ երկրներ, այդ թվում Եգիպտոսը, դեմ են արտահայտվել առաջարկին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |