Տարածաշրջան13:44, 25 Մայիս 2015
Մշո սուրբ Առաքելոց վանքը՝ գանձեր որոնողների հերթական թիրախ
Ներկայիս Թուրքիայի տարածքում գտնվող պատմական հայկական Մուշ քաղաքի Առաքելոց վանքն ու հարակից կառույցներն ավերվում է գանձեր որոնողների կողմից:
Ըստ թուրքական «Bugün» պարբերականի՝ 18-րդ դարի այդ վանական համալիրը հայտնվել է անմխիթար վիճակում: Աղբյուրի բնութագրմամբ` «խլուրդների բույնի» վերածված համալիրի գերեզմանները պղծված են, մարդկային ոսկորները` այսուայն կողմ ցիրուցան:
Այաք գյուղում գտնվող Արաքելոց վանական համալիրի ավերման փաստի առթիվ Թուրքիայի տարբեր բնակավայրերի հայկական համայնքների «Սոցիալական օգնության և մշակութային համերաշխության» միության նախագահ Ազիզ Դաղջըն դիմել է Մուշի նահանգապետարան, ինչից հետո իրավիճակի ստուգման համար ոստիկանական խումբ է ուղարկվել վանական համալիր: Կատարված ուսումնասիրությունը ցույց է տվել, որ համալիրի տարածքում մեծ թվով գերեզմանոցներ են քանդվել, փորվել, որոշ զարդանախշ գերեզմանաքարեր էլ անհետացել են:
Դաղջըի վկայությամբ՝ համալիրի ողջ տարածքում գանձեր որոնողների կողմից 3 մետր խորությամբ, 5 մետր լայնքով և 6 մետր երկարությամբ փոս է փորվել, վանքապատկան 23 խոշոր գերեզմանաթմբեր են փորվել:
«Անհայտ է, թե ինչու են տարել վանական համալիրի գերեզմանաքարերը: Դրանք նյութական արժեք չունեն, սակայն հոգևոր նշանակությունը շատ մեծ է: Բացի այդ, փորվել է համալիրի ողջ տարածքը ու թանկարժեք քարերը տարվել են», - ասել է հայկական կազմակերպության նախագահը:
Ազիզ Դաղջըն հայտնել է նաև, որ Առաքելոց վանական համալիրի՝ ավերումից պաշտպանության և վերականգնման խնդրանքով իրենք դիմել են ոչ միայն Մուշի նահանգապետարան, այլև Թուրքիայի ներքին գործերի, մշակույթի և զբոսաշրջության նախարարություններին: Հիմք ընդունելով ոստիկանների կատարած ուսումնասիրությունների արձանագրությունները՝ Առաքելոց վանական համալիրի ավերման կապակցությամբ բողոք է ներկայացվել Մուշի հանրապետական դատախազություն:
Դաղջըն կոչ է արել գանձեր որոնողներին հանգիստ թողնել հայկական եկեղեցիներն ու գերեզմանոցները: Դրա փոխարեն նա առաջարկել է իրավասու մարմիններին վերանորոգել հայկական պատմական հուշարձանները՝ վերածելով դրանք զբոսաշրջության կենտրոնների:
Այս ենթաբաժնի վերջին նորությունները
Ստորգետնյա ցնցումների ուժգնությունն էպիկենտրոնում կազմել է 4.2 մագնիտուդ։
Իսկ Թուրքիայում այս տարի նախատեսվում է հորատել 140 նավթահոր՝ ածխաջրածնային պաշարների հանքավայրեր որոնելու համար։
Էպիկենտրոնը եղել է Իզմիրի Սեֆերիհիսար շրջանը, որտեղ ցնցման ուժգնությունը կազմել է 4.5 բալ:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքական մեդիայում տարածվող լուրերի համաձայն՝ իշխող ուժի և ազգայնականների առաջնորդների միջև տարաձայնություն կա։
Արտահանումն իրականացվում է Թուրքիայի կողմից Իսրայելի հետ առևտուրը կասեցնելու մասին որոշմանը ֆոնին:
Բեզալել Սմոթրիչը դժգոհել է, որ Կահիրեում գերիների փոխանակման բանակցություններում ներկա են գտնվել նաև թուրք պաշտոնյաներ:
Բարզանին վերջին այցը Իրան եղել է 2021թ. օգոստոսին, որի ընթացքում նա մասնակցել էր Ռաիսիի երդմնակալության արարողությանը։
Թրամփի քաղաքականությունը Թուրքիայի նկատմամբ հիմնականում կապված էր Սիրիայի և իրաքյան հարցերի, Թուրքիայի կողմից ահաբեկչական համարվող «ԺՊԳ-ի» և Ֆեթուլլահ Գյուլենի արտահանձնման հետ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |