Դավութօղլուն և Չավուշօղլուն դատապարտել են Ռուսաստանի գործողությունները Ղրիմում

Քաղաքական12:47, 13 Մայիս 2015

Դավութօղլուն և Չավուշօղլուն դատապարտել են Ռուսաստանի գործողությունները Ղրիմում

Թուրքիայի արտաքին գործերի նախարար Մևլութ Չավուշօղլուն Թուրքիայի Անթալիա քաղաքի «Suse» հյուրանոցում մամուլի ասուլիս է տվել, որի ժամանակ պատասխանել է լրագրողների մի շարք հարցերին:

Ըստ թուրքական «Haberler» լրատվակայքի`Չավուշօղլուն, խոսելով ուկրաինական ճգնաժամի մասին, քննադատել է Ռուսաստանի գործողությունները Ղրիմում, ինչպես նաև Վրաստանում` ակնարկելով 2008թ.տեղի ունեցած ռուս-վրացական 5 օրյա պատերազմը:

Չավուշօղլուն ընդգծել է, որ չնայած 1989թ. Բեռլինի պատը քանդվել է, այնուամենայնիվ մարդկանց գիտակցության մեջ այն դեռ գոյություն ունի: Չավուշօղլուի կարծիքով` Եվրամիությունը (ԵՄ) և Ռուսաստանը չպետք է Ուկրաինային ընտրության փաստի առաջ կանգնեցնեն:

«Ռուսաստանի ոչ մի գործողություն Ուկրաինայում, Ղրիմում և Վրաստանում չի արդարացվում»:

Թուրքիայի վարչապետ Ահմեթ Դավութօղլուն ԱՄՆ պետքարտուղար Ջոն Քերիի հետ հանդիպման ժամանակ ևս դատապարտել էր ռուսական գործողությունները Ղրիմում` կատարվածն անվանելով «Ղրիմի «օկուպացիա Ռուսաստանի կողմից»:

«Հաշվի առնելով Ուկրաինայում տիրող իրավիճակը, Ղրիմի օկուպացումը ոչ մի կերպ չի արդարացվում»,- հայտարարել է Դավութօղլուն:

Աղբյուր` Ermenihaber.am

Այս ենթաբաժնի վերջին նորությունները

10:50, 12 սեպ

Մարգարայի անցակետում Ռուբինյանը դիմավորել է Թուրքիայի հատուկ ներկայացուցիչ Սերդար Քըլըչին

Այդ մասին հայտնել է ՀՀ ԱԳՆ մամուլի խոսնակ Անի Բադալյանը։

20:08, 11 սեպ

Սերդար Քըլըչն Ալիջանի սահմանային անցակետով կայցելի Հայաստան

Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։