Տարածաշրջան13:57, 04 Մայիս 2015
Թուրք պրոֆեսոր. «Առաջիկա 15 տարում Ստամբուլում կործանիչ երկրաշարժ կարող է լինել»
Անցյալ շաբաթ Նեպալի մայրաքաղաք Կատմանդուում տեղի ունեցած 7,8 մագնիտուդ ուժգնությամբ երկրաշարժը որոշակի իրարանցում է առաջացրել նաև Թուրքիայում: Մասնավորապես, կրկին շրջանառության մեջ են դրվել վերջին 15 տարիների ընթացքում թուրք մասնագետների հետազոտությունների հիման վրա արված կանխատեսումները` Թուրքիային առաջիկայում սպառնացող սեյսմիկ ցնցումների մասին:
Թուրքական «Cumhuriyet» պարբերականի տեղեկացմամբ՝ Ստամբուլի տեխնիկական համալսարանի Հանքարդյունաբերության ֆակուլտետի դասախոս, պրոֆեսոր Նաջի Գյորուրը հայտարարել է, որ իրենք վաղուց են զգուշացրել Մարմարա ծովի՝ Ստամբուլի մերձակա տարածքում հնարավոր հուժկու երկրաշարժի մասին: Ըստ Գյորուրի` երկրաշարժի ուժգնությունը կարող է գերազանցել 7,2 մագնիտուդը:
Թուրք պրոֆեսորի կարծիքով, ժամանակին իրենք նկարագրել են վտանգի չափը, հնարավոր վնասները, այդ վնասները հնարավորինս նվազեցնելու և կանխելու համար անհրաժեշտ միջոցները, նույնիսկ՝ երկրաշարժի հավանական տարեթիվը:
Նշվել է, որ 1999թ հետո երեսուն տարվա ընթացքում Ստամբուլի տարածքում հնարավոր է ուժգին երկրաշարժ: Այսինքն՝ ներկայումս այդ վտանգը դեռևս սպառնում է քաղաքին: Իսկ Ստամբուլը, ըստ պրոֆեսոր Նաջիի, երկրաշարժերի նկատմամբ շատ խոցելի քաղաք է, որտեղ սեյսմակայուն չեն շենքերի մեծ մասը, իսկ ճանապարհները ծայրահեղ անտրամաբանական ու անապահով են կառուցված: Ստամբուլում կա մոտավորապես 1 մլն 600 հազ. շենք, որոնց շուրջ 60 տոկոսը (900-950 հազար շենք) խոցելի է: Թուրք մասնագետի պնդմամբ՝ Ստամբուլի սեյսմակայունությունը բարձրացնելու նպատակով, վերջին տարիներին շատ քիչ բան է արվել՝ պատասխանատու մարմինների անտարբերության պատճառով: Եվ եթե կանխատեսումներն իրականանան, Թուրքիայի խոշորագույն քաղաքը չափազանց մեծ վնասներ կկրի:
Այս ենթաբաժնի վերջին նորությունները
Թուրքիայի նախագահը, Ադրբեջանից վերադառնալիս, ինքնաթիռում պատասխանել է լրագրողների հարցերին։
Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։
«Հռետորաբանությունը՝ պատրվակ, իսկ առևտուրը՝ փառահեղ»,- գրել է թուրք տնտեսագետ Ինան Մութլուն։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի նախագահը, Ադրբեջանից վերադառնալիս, ինքնաթիռում պատասխանել է լրագրողների հարցերին։
Արաղչին ու Ֆիդանը քննարկել են երկկողմ և տարածաշրջանային հարցեր, ինչպես նաև Իրանի միջուկային գործունեության հետ կապված բանակցային գործըթացը։
Դամասկոսում Թուրքիայի դեսպանը նշել է, որ պաշտոնական Անկարան պատրաստ է ավելի ակտիվ դեր ստանձնել Սիրիայի վերականգնման գործընթացում
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |