Տարածաշրջան08:07, 27 Ապրիլ 2015
Էրդողանը վրդովված է Ռուսաստանի, Ֆրանսիայի և Գերմանիայի նախագահների հայամետ աջակցությունից
Թուրքայի նախագահ Ռեջեփ Թայիփ Էրդողանը ելույթ է ունեցել «Անկախ արդյունաբերողների և գործարարների միության» գլխավոր խորհրդում: Ըստ թուրքական «Սթար» լրատվական կայքի` Էրդողանը խոսել է նաև հայկական թեմայի շուրջ:
Թուրքիայի նախագահը կոչ է արել «հայկական պնդումները ընդունած» երկրներին նախևառաջ իրենց պատմության սև բծերը մաքրել՝ ընդգծելով, որ այդ հարցում Գերմանիային, Ռուսաստանին, Ֆրանսիային ամենավերջին է խոսք հասնում:
«Գիտենք, թե ինչեր են տեղի ունեցել վերջին 100 տարում, 2 համաշխարհային պատերազմների ընթացքում, որոնք Գերմանիան է հրահրել: Մնացել էր Գերմանիան նման կարգի հայտարարությունները աներ, երբ 1 միլիոն մեր հայրենակիցները Գերմանիայի քաղաքացի են: 2 միլիոն էլ թուրք կա, որոնք քաղաքացիություն չունեն: Գերմանիայի այս վերաբերմունքը, որտեղ 3 միլիոն թուրք է ապրում, հասկանալի չէ»,- ընդգծել է Էրդողանը:
Վերջինս, խոսելով Հայաստանում անցկացված ցեղասպանության 100-րդ տարելիցի միջոցառումներին մասնակցած պետությունների մասին, ասել, որ իրենք չէին ցանկանում, որ Ռուսաստանի նախագահ Վլադիմիր Պուտինը, Ֆրանսիայի նախագահ Ֆրանսուա Օլանդը գնան Հայաստան:
«Այնտեղ 2 նախագահ, իսկ մեր մոտ փառք աստծո 20 նախագահ էր եկել,- նշել է Էրդողանը, ապա շարունակել,- այստեղից ևս մեկ անգամ դիմում եմ հայերին և նրանց աջակից ուժերին. եթե այսօր պիտի պատմական դեպքերի համար հաշիվ տալու հարց բացվի, ապա չկասկածեք, որ այդ հարցում ամենահանգիստ երկիրը Թուրքիան է լինելու: Նորից ասում եմ, հեյ Եվրամիություն, մեզ խելք մի սովորեցրու, այն պահիր քեզ: Արդեն 15 տարի է՝ ասում ենք, որ պատրաստ ենք բացել մեր արխիվները: Սրանք ականջ ունեն չեն լսում, աչքեր ունեն չեն տեսնում, լեզու ունեն ճշմարտությունը չեն խոսքում»:
Այս ենթաբաժնի վերջին նորությունները
Ստորգետնյա ցնցումների ուժգնությունն էպիկենտրոնում կազմել է 4.2 մագնիտուդ։
Իսկ Թուրքիայում այս տարի նախատեսվում է հորատել 140 նավթահոր՝ ածխաջրածնային պաշարների հանքավայրեր որոնելու համար։
Էպիկենտրոնը եղել է Իզմիրի Սեֆերիհիսար շրջանը, որտեղ ցնցման ուժգնությունը կազմել է 4.5 բալ:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
ԱՄՆ ֆինանսների և պետդեպարտամենտի կողմից հայտարարված նոր պատժամիջոցներն ընդհանուր առմամբ ուղղված են մոտ 300 ընկերությունների, անհատների և կազմակերպությունների դեմ:
Ըստ Մուրթա Բարդաքչըի՝ հայ և թուրք ժողովուրդների միջև «արյուն» է մտել, իսկ արյունը Արևելքում երբեք չի մոռացվում:
Սպիտակ տունն օգտագործել է այս միջոցը՝ փորձելով արգելափակել այնպիսի ապրանքների առևտուրը, ինչպիսիք են միկրոչիպերը, որոնք ռուսական արդյունաբերությանն անհրաժեշտ են զենք ստեղծելու համար:
Տնտեսական համագործակցության և զարգացման կազմակերպությունը (OECD) հրապարակել է Թուրքիայի գնաճի կանխատեսումների վերաբերյալ զեկույց։
Թուրքիայի արտգործնախարարի հայտարարությունը մեծ արձագանք է գտել համաշխարհային մամուլում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |