Տարածաշրջան12:51, 23 Ապրիլ 2015
Hurriyet. Թուրքիան հիմա 7 երկրում դեսպան չունի, հերթը հասել է Մոսկվայի՞ն ու Բեռլինի՞ն
Ավստրիայի խորհրդարանի կողմից Հայոց ցեղասպանության ճանաչման հռչակագրի ընդունումից հետո Անկարան հետ էր կանչել Վիեննայի իր արտակարգ և լիազոր դեսպան Հասան Գյողուշին: Թեմային անդրադարձած թուրքական «Hurriyet» թերթի վերլուծաբան Զեյնեփ Գյուրջանլըն արձանագրում է, որ այն երկրների թիվը, որտեղ Թուրքիան ներկա պահին դեսպան չունի, արդեն հասել է 7-ի: Դրանք են` Եգիպտոս, Սիրիա, Իսրայել, Լիբիա, Եմեն, Վատիկան և Ավստրիա:
Քանի որ Վատիկանի և Ավստրիայի դեսպանների հետկանչը կապված է այդ երկրների կողմից Հայոց ցեղասպանության ճանաչման փաստի հրապարակային ճանաչման և դատապարտման հետ, «Hurriyet»-ը հարցադրում է անում. «Մի՞թե հիմա հերթը հասել է Մոսկվային ու Բեռլինին»:
Ընդգծվում է այն հանգամանքը, որ Ռուսաստանը և Գերմանիան այս կամ այն չափով բացահայտորեն իրենց աջակցությունն են արտահայտում Հայաստանին՝ ցեղասպանության ճանաչման համար մղվող պայքարում. Վլադիմիր Պուտինն իր ելույթի ժամանակ օգտագործել է ցեղասպանություն բառը, իսկ Գերմանիան պատրաստվում է ապրիլի 24-ին հաստատել Հայոց ցեղասպանությունը ճանաչող բանաձևը:
Վերջին 12 տարվա ընթացքում Թուրքիան տարբեր պատճառներով բազմաթիվ անգամ հետ է կանչել այս կամ այն երկրի իր դեսպանին: Այդ կապակցությամբ թուրք ընդդիմադիր պատգամավոր Սեզգին Թանրըքուլի հարցին ի պատասխան երկրի արտգործնախարար Մևլութ Չավուշօղլուն ներկայացրել է պարզաբանումներ:
Ըստ այդմ` Կահիրեում Թուրքիայի դեսպանը պաշտոնից ազատվել է Եգիպտոսի նախաձեռնությամբ: Վաշինգտոնի, Փարիզի և Ստոկհոլմի դեսպանները խորհրդակցությունների նպատակով հետ են կանչվել՝ այդ երկրներում Հայոց ցեղասպանության վերաբերյալ ընդունված որոշումների պատճառով: Այնուհետև Փարիզի դեսպանն իր պաշտոնին է վերադարձել 15 օր, Ստոկհոլմի դեսպանը՝ 18 օր, իսկ Կահիրեի դեսպանը՝ 21 օր հետո: Իսկ նշյալ ժամանակահատվածում երկու անգամ հետ կանչված Վաշինգտոնի դեսպանն առաջին անգամ իր պաշտոնին է վերադարձել 9, երկրորդ անգամ՝ 32 օր հետո: 2010թ հունիսին հետ է կանչվել նաև Թել-Ավիվում Թուրքիայի դեսպանը, ավելի ուշ՝ 2011թ սեպտեմբերին՝ Թել-Ավիվից հետ է կանչվել ևս 4 դիվանագետ:
Այս ենթաբաժնի վերջին նորությունները
Սա միջին հաշվով նշանակում է օրական շուրջ 100, իսկ ժամում՝ 4 երկրաշարժ։
Թուրքիայի նախագահը, Ադրբեջանից վերադառնալիս, ինքնաթիռում պատասխանել է լրագրողների հարցերին։
Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Մենք չենք կարող կանխորոշել թուրքական իշխանությունների հետագա վարքը, մենք փոխանցում ենք այն տեղեկությունը, որն այս պահին իրենք են տարածել իրենց երկրի թիվ մեկ լրատվամիջոցով։
«Արդյո՞ք վերանայվելու Անիի Մայր տաճարը մզկիթի վերածելու որոշումը՝ հաշվի առնելով կառույցի կրոնական և հատուկ ինքնությունը»։
Թուրքիային «BRICS»-ում տրվել է «գործընկեր երկրի» կարգավիճակ։
«Քուրդիստանի բանվորական կուսակցության» առաջնորդը հանդես է եկել 1999-ից ի վեր առաջին տեսաուղերձով:
Սա միջին հաշվով նշանակում է օրական շուրջ 100, իսկ ժամում՝ 4 երկրաշարժ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |