Տարածաշրջան07:56, 20 Ապրիլ 2015
Էրդողանը սպառնում է. «Հայերը մեծ վնաս են կրելու»
Թուրքիայի նախագահ Ռեջեփ Թայիփ Էրդողանը նախօրեին Թուրքիայի Քոջաելի քաղաքում ունեցած ելույթի ժամանակ կրկին խոսել է Հայոց ցեղասպանության, Հռոմի Պապի ելույթի ու Եվրախորհրդարանի (ԵԽ) ընդունած բանաձևի մասին: Էրդողանը կրկնել է նախորդ անգամվա մտքերն`ասելով, որ այդ որոշումներն ու ուղերձները իրենց համար նշանակություն չունեն: «Դրանք մեր մի ականջից մտնում ու մյուսից էլ դուրս են գալիս»,-ասել է վերջինս:
Ինչպես հայտնում է թուրքական «Ihlas» լրատվական գործակալությունը, Էրդողանը դիմել է ամբողջ աշխարհին ու հատկապես հայերին. «Այս խնդիրը պատմությունից կտրելու ու որպես քաղաքական գործիք օգտագործելուց ամենամեծ վնասը հենց հայերն են կրելու: Մենք գիտենք, որ այս խնդիրը հայերին պաշտպանելու հետ որևէ կապ չունի»:
Էրդողանը կրկին խոսել է Թուրքիայում բնակվող տասնայակ հազարավոր հայերի մասին: Ըստ նրա` այդ երկրում օրինապես ապրում է 40 հազարանոց հայ համայնք, իսկ հայ ներգաղթյալների թիվը կազմում է 80 հազար:
«Այդ մենք էինք, որ Վանա լճի Աղթամար կղզում վերականգնեցինք հայկական եկեղեցին ու դրա դռները բացեցինք աշխարհի բոլոր հայերի համար: Մենք մեր խղճի առջև մեր պարտքը կատարում ենք: Այդքանից հետո ինչպե՞ս է լինում, որ մեր հանդեպ նման քայլեր եք անում: Ամբողջովին քաղաքական նպատակներ հետապնդող ու Թուրքիայի դեմ ուղղված այս արշավից ոչինչ դուրս չի գա: Սակայն այս գործից հայերը մեծ վնասով դուրս կգան»:
Էրդողանը նաև նշել է, որ իրենք հայերի հետ խնդիր չունեն ու օրինակ բերել Ստամբուլի հայաշատ թաղամասերում ապրող հայերին, որոնք ապրում են թուրքերի հետ կողք կողքի: Էրդողանը կրկնել է սփյուռքի ու Հայաստանի հետ կապված բոլորին ծանոթ թեզն այն մասին, որ վերջիններս Թուրքիայի մեկնած բարեկամության ձեռքն օդում են թողնում: Ելույթի վերջում էլ խոսել է արխիվների մասին` ասելով, որ Թուրքիայի արխիվները միշտ բաց են, և բոլոր ցանկացողները կարող են գալ և ուսումնասիրել դրանք:
Այս ենթաբաժնի վերջին նորությունները
Սեյեդ Աբբաս Մուսավի. «Ադրբեջանն ուզում էր բաց ճանապարհ՝ առանց հայկական վերահսկողության, ինչը, բնականաբար, անընդունելի էր»։
Ըստ Քուրթուլմուշի՝ անկասկած է, որ Ադրբեջանի և Հայաստանի միջև կարգավորումը միևնույն ժամանակ վերջ է դրել ԵԱՀԿ Մինսկի խմբի գործունեությանը։
Անտառային հրդեհների հետևանքով տարհանվել է 6 թաղամաս և 5 գյուղ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները:
Ամերիկյան «Global Guardian» թերթը հրապարակել է աշխարհի ամենավտանգավոր երկրների ցանկը:
Ռումինիայի պաշտպանության նախարար Իոնուտ Մոստեանուն կոչ է արել Ռումինիայի, Բուլղարիայի և Թուրքիայի միջև ստեղծված ականազերծման գործադիր խմբի լիազորությունները ընդլայնել:
Թուրքիան կշարունակի պայքարել 1967թ. սահմանների հիման վրա՝ անկախ և ինքնիշխան Պաղեստինի պետության ստեղծման համար:
Թուրքիայի մամուլի ֆեդերացիայի նախագահը ակցիայի ընթացքում նշել է, որ Նեթանյահուն ներկայացրել է «Մեծ Իսրայել» նախագիծը, որտեղ ներառված է նաև Թուրքիայի տարածքը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |