Տարածաշրջան06:54, 18 Ապրիլ 2015
Թուրքիայում պղծվում ու թալանվում է հերթական հայկական գերեզմանատունը
Սթանոզի գյուղի հայկական գերեզմանատունը թալանվում է գանձեր որոնողների կողմից: Թուրքիայում լույս տեսնող հայկական «Ակոս» պարբերականը գրում է, որ Թուրքիայի մայրաքաղաք Անկարայից ընդամենը 30կմ հեռավորության վրա գտնվող Սթանոզ գյուղը նախկինում բացառապես հայերով է բնակեցված եղել: Հայերը Կիլիկիայից այստեղ են եկել 15-րդ դարում:
Արդեն 17-րդ դարում բնակավայրի առևտրական և արդյունաբերական հռչակը տարածվել էր անգամ մինչև Եվրոպա: Սթանոզում գործել են «Սուրբ Փրկիչ» և «Քառասուն մանուկ» հայկական եկեղեցիները և «Լուսինյան» ու «Ղևոնդյան» դպրոցները, որոնցում մինչև երկու հարյուր հայ մանուկ է կրթություն ստացել: Իսկ այսօր նախկին հայաբնակ գյուղից մնացել են միայն ավերակներ մնացել և հայկական գերեզմանատունը, որը գանձեր որոնողների կողմից անխնա թալանվում ու ավերվում է: Դրա հետևանքով շիրմաքարերից շատերն անհետացել են, իսկ շրջակայքում ցաքուցրիվ են եղել մարդոսկրի կտորտանքներ:
Սթանոզի հայկական գերեզմաատունը դեռևս 90-ական թվականներին հայտարարվել է որպես պահպանվող տարածք, բայց դրանից հետո էլ թալանը շարունակվում է: Գերեզմանատան մի մասն էլ տեղացիների կողմից օգտագործվում է որպես բացօթյա հանգստի տարածք: Նշվում է նաև, որ գերեզմանատան պահպանման համար տեղական ինքնակառավարման մարմինները նրա մի մասում մետաղալարեր են անցկացրել, սակայն դրանք ապամոնտաժվել են: Գերեզմանատան մի մասն էլ միացվել է տեղում ընթացող շինարարության տարածքին: Այս առթիվ Անկարայի ճարտարապետական պալատի ներկայացուցիչները նախատեսում են այցելել գերեզմանատան տարածք և տիրող իրավիճակի մասին զեկուցել Թուրքիայի մշակույթի և զբոսաշրջության նախարարությանը:
Այս ենթաբաժնի վերջին նորությունները
Սա միջին հաշվով նշանակում է օրական շուրջ 100, իսկ ժամում՝ 4 երկրաշարժ։
Թուրքիայի նախագահը, Ադրբեջանից վերադառնալիս, ինքնաթիռում պատասխանել է լրագրողների հարցերին։
Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Մենք չենք կարող կանխորոշել թուրքական իշխանությունների հետագա վարքը, մենք փոխանցում ենք այն տեղեկությունը, որն այս պահին իրենք են տարածել իրենց երկրի թիվ մեկ լրատվամիջոցով։
«Արդյո՞ք վերանայվելու Անիի Մայր տաճարը մզկիթի վերածելու որոշումը՝ հաշվի առնելով կառույցի կրոնական և հատուկ ինքնությունը»։
Թուրքիային «BRICS»-ում տրվել է «գործընկեր երկրի» կարգավիճակ։
«Քուրդիստանի բանվորական կուսակցության» առաջնորդը հանդես է եկել 1999-ից ի վեր առաջին տեսաուղերձով:
Սա միջին հաշվով նշանակում է օրական շուրջ 100, իսկ ժամում՝ 4 երկրաշարժ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |