Թուրքիայում ընդդիմադիր կուսակցության ղեկավար կազմի գրեթե կեսը բանտում է

18:16, 03 Aralık 2019

Թուրքիայում ընդդիմադիր կուսակցության ղեկավար կազմի գրեթե կեսը բանտում է

Թուրքիայում ընդդիմադիր քրդամետ «Ժողովուրդների դեմոկրատկան» կուսակցության (ԺԴԿ-HDP) համանախագահ Փերվին Բուլդանը քննադատել է իշխանություններին վերջին շրջանում HDP-ից ընտրված համայնքապետերին ձերբակալելու և նրանց փոխարեն ժամանակավոր պաշտոնակատարներ նշանակելու համար:

Բուլդանը հայտարարել է, որ միայն վերջին շաբաթում 150, իսկ վերջին ամսում 350 մարդ է ձերբակալվել: Այդ անձինք եղել են HDP-ից ընտրված համայնքապետեր, մարդու իրավունքի պաշտպաններ, արհմիության աշխատողներ, լրագրողներ և «Դեմոկրատական հասարակություն կոնգրեսի» ղեկավարներ:

Բուլդանը նշել է, որ այդ ձերբակալությունները շարունակվում են և հավելել. «Իշխող «Արդարություն և զարգացում» կուսակցությունը (AKP-ԱԶԿ) հասկացել է, որ ընկնելու է քաղաքական լիգայից և որպեսզի կարողանա դիմադրել, գիշեր-ցերեկ հրահանգում է ձերբակալություններ իրականացնել»:

Նա նկատել է տվել, որ HDP-ի ղեկավար կազմի գրեթե կեսը բանտում է:

«AKP-ական ոստիկանությունը և դատախազությունը պաշտոնապես HDP-ականների «որսի» են դուրս եկել: Այսքան ժամանակ չենք տեսել, որ մի ամսում «Իսլամական պետություն» ահաբեկչական խմբավորման 350 զինյալի ձերբակալեն: Իրական հանցագործներն ազատության մեջ են»,-ասել է Բուլդանը:

Նա, անդրադառնալով իշխող կուսակցության կողմից քաղաքապետերի և համայնքապետերի փոխարեն ժամանակավոր պաշտոնակատարների նշանակմանը, նշել է, որ AKP-ն այդ քայլով փորձում է մի նոր զուգահեռ ռեժիմ ստեղծել, որը պաշարելու է ողջ երկիրը:

Kaynak: gazetekarinca.com