Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Քաղաքական16:00, 18 Օգոստոս 2025

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը հայտարարությամբ անդրադարձել է ԱՄՆ պետդեպարտամենտի կողմից հրապարակված «2024-ի մարդու իրավունքների զեկույցին»՝ մերժելով իրենց վերաբերյալ տեղ գտած «անհիմն պնդումները»։

ԱԳՆ-ն ընդգծել է, որ Թուրքիան ահաբեկչության բոլոր ձևերի դեմ պայքարում է «օրինականության և մարդու հիմնական իրավունքների շրջանակում», իսկ զեկույցում տեղ գտած գնահատականները «հեռու են իրականությունից»։

Հայտարարությունում նաև քննադատվել է զեկույցում Թուրքիայի կողմից ահաբեկչական ճանաչված «Ֆեթուլլահական կազմակերպության» (FETÖ) «մանիպուլյատիվ մեղադրանքների» արտացոլումը։

Թուրքիան նշել է, որ Սիրիայում իրականացվող հակաահաբեկչական գործողությունները հիմնված են «ինքնապաշտպանության իրավունքի վրա» և իրականացվում են՝ հնարավորինս խուսափելով խաղաղ բնակչությանը և ենթակառուցվածքներին վնաս հասցնելուց։

ԱԳՆ-ն նաև հիշեցրել է, որ միլիոնավոր փախստականների ընդունելով և նրանց կարիքները բավարարելով՝ Թուրքիան գործում է որպես «մարդու արժանապատվությունը հիմք ընդունող օրինակելի երկիր»։

Աղբյուր` Gazeteoksijen.com/

Այս ենթաբաժնի վերջին նորությունները

21:14, 25 օգոս

Էրդողան․ «Զանգեզուրի անցումը մեր ողջ տարածաշրջանի համար խաղաղության նախագիծ է»

Թուրքիայի նախագահը նշել է, որ այդ նախագծի կյանքի կոչման հետ միասին Թուրքիայի, Ադրբեջանի և Հայաստանի միջև տնտեսական համագործակցությունը նոր մասշտաբ կստանա: