Ըստ թուրք քաղաքական գործչի՝ հայ-ադրբեջանական համաձայնագիրը հակասում է Թուրքիայի շահերին

Քաղաքական17:00, 12 Օգոստոս 2025

Ըստ թուրք քաղաքական գործչի՝ հայ-ադրբեջանական համաձայնագիրը հակասում է Թուրքիայի շահերին

Թուրքիայի պահպանողական, իսլամիստական ուղղվածության «Նոր բարօրություն» կուսակցության ղեկավարի պաշտոնակտար Դողան Այդալին հանդես է եկել հայտարարությամբ՝ Վաշինգտոնում ստորագրված հայ-ադրբեջանական փաստաթղթի վերաբերյալ։

Հայտարարության մեջ Այդալին մի քանի հիմնական շեշտադրումներ է արել՝ ընդհանուր առմամբ պնդելով, որ այն ինչ ստորագրվել է երկու երկրների միջև, վտանգ է ներկայացնում Թուրքիայի համար:

Նրա խոսքով՝ փաստաթուղթը պարունակում է բազմաթիվ անհանգստացնող կետեր Թուրքիայի, Թուրքեստան տարածաշրջանի, Իրանի, Ռուսաստանի և Չինաստանի համար։

«Թուրքիան այս նախագծից ֆինանսապես շահելու հավանականության հետ մեկտեղ կարող է շատ բան կորցնել։ Առևտրի բանալին անցնում է ԱՄՆ-ի ձեռքը»:

Բացի այդ վերջինս պնդում է, որ այս համաձայնագրով Հայաստանն էապես տնտեսական ազատություն կստանա, և նրա համար Դիլուջուի երկաթուղու միջոցով եվրոպական շուկաներին ներմուծման և արտահանման դարպաս կբացվի։

Այդալին չի բացառել նաև, որ Հայաստանի պաշտպանությանը միտված Արևմուտքի և հատկապես ԱՄՆ-ի գործողությունները չեն հանգեցնի հայ-թուրքական նոր հակամարտության։

«Այս համաձայնագրով ԱՄՆ-ն ոչ միայն ռազմաբազա է ստանում Կովկասում, այլ նաև տարածք։ Եթե ցանկանա, այս վայրից կարող է միջին հեռահարության հրթիռներով հարվածել Թեհրանին»,-պնդել է վերջինս՝ չնայած նրան, որ վաշինգտոնյան փաստաթղթերով չի նախատեսվում ամերիկյան ռազմաբազայի տեղակայում:

Նա չի բացառել նաև այն, որ մոտ ապագայում ԱՄՆ-ն Իրանի տարածքում բնակվող ազերի ազգաբնակչությանը, քրդերին և թալիշներին կհրահրի Իրանի դեմ:

Իսկ վերջում թուրք քաղաքական գործիչն ընդգծել է. «Ճիշտ է, այս նախագիծը ստորագրվել է, սակայն դա չի նշանակում, որ այն իրականություն կդառնա։ Իրանը, Չինաստանը, Ռուսաստանը և մի շարք այլ երկրներ կդիմադրեն այս նախագծին»:

Աղբյուր` Yenidenrefahpartisi.org.tr

Այս ենթաբաժնի վերջին նորությունները

17:45, 12 սեպ

Ի՞նչ պայմանավորվածություններ են ձեռք բերել Ռուբինյաննն ու Քըլըչը

Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։

15:46, 12 սեպ

Սերդար Քըլըչ. «Շնորհակալություն ջերմ ընդունելության համար»

Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: