Քաղաքական09:38, 24 Հուլիս 2025
Ստամբուլում ավարտվել է ռուս-ուկրաինական բանակցությունների 3-րդ փուլը
Հուլիսի 23-ին Ստամբուլի Չըրաղան պալատում կայացել է խաղաղության շուրջ ռուս-ուկրաինական բանակցությունների 3-ր փուլը։ Օրակարգում են եղել հրադադարի հաստատման, գերիների փոխանակման և երկրի ղեկավարների մակարդակով հնարավոր գագաթնաժողովին հարցեր։
Հանդիպմանը թուրքական կողմից ներկա են եղել Թուրքիայի արտաքին գործերի նախարար Հաքան Ֆիդանը, Թուրքիայի «Ազգային հետախուզության ծառայության» (MİT) ղեկավար Իբրահիմ Քալընը և Գլխավոր շտաբի պետ, գեներալ Մեթին Գյուրաքը։
Ֆիդանը բացման խոսքում ընդգծել է, որ բանակցությունների հիմնական նպատակը «խաղաղության ճանապարհը կառուցող հրադադարն է»։
Ուկրաինայի պատվիրակության կազմում ընդգրկված են եղել Ուկրաինայի ազգային անվտանգության և պաշտպանության խորհրդի քարտուղար Ռուստեմ Ումերովը և արտգործնախարարի առաջին տեղակալ Սերգեյ Կիսլիցյան։
Հանդիպումից հետո տեղի ունեցած մամուլի ասուլիսին վերջիններս շնորհակալություն են հայտնել Թուրքիային՝ «խաղաղության և երկխոսության կարևոր հարթակ» ստեղծելու համար՝ նշելով, որ Ուկրաինան լիովին պատրաստ է հրադադարի և բանակցությունների։
Ումերովը տեղեկացրել է, որ Կիևը առաջարկ է ներկայացրել մինչև օգոստոսի վերջ կազմակերպել Ուկրաինայի նախագահ Վլադիմիր Զելենսկու և ՌԴ նախագահ Վլադիմիր Պուտինի հանդիպումը՝ ԱՄՆ նախագահ Դոնալդ Թրամփի և Թուրքիայի առաջնորդ Ռեջեփ Թայիփ Էրդողանի մասնակցությամբ։
Ռուսական կողմը, որի գլխավորությունը վերապահված էր Պուտինի խորհրդական Վլադիմիր Մեդինսկուն, հայտնել է, որ կողմերը համաձայնության են եկել 1200 ռազմագերու փոխանակման շուրջ։
Նա նաև հայտնել է քաղաքական, մարդասիրական և ռազմական ոլորտներով երեք առցանց աշխատանքային խմբերի ստեղծման առաջարկի մասին՝ արդյունավետ և թափանցիկ աշխատանքի ապահովման նպատակով։
«Ուկրաինական կողմը համաձայնել է դիտարկել մեր առաջարկը»,-հավելել է Մեդինսկին:
Ուկրաինայի մարդու իրավունքների հանձնակատարի ներկայացուցիչ Յուրի Կովբասան էլ նշել է, որ Ռուսաստանը դրական է արձագանքել 3 տարի գերության մեջ գտնվող անձանց ազատ արձակման կոչերին։
Ումերովն էլ հայտնել է, որ քննարկվել են ավելի քան 1200 երեխայի և քաղաքացիական անձի ազատ արձակմանը վերաբերող հարցեր:
«Աշխարհը պետք է տեսնի, որ Ուկրաինան պատրաստ է հրադադարի: Այս կետում այն երկիրը, որը պետք է քայլ անի, դա Ռուսաստանն է»,-հավելել է Ումերովը:
Երկու կողմերն էլ չեն բացառել բանակցությունների 4-րդ փուլի հնարավորությունը, սակայն ուկրաինական կողմը շեշտել է, որ հաջորդ քայլերն ամբողջությամբ կախված է Զելենսկի-Պուտին հանդիպման լինել-չլնելուց:
Այս ենթաբաժնի վերջին նորությունները
Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։
Թուրքիայի Դողուբեյազըթ քաղաք ժամանած լեռնագնացները տեղացի ուղեկցող Ջումա Սալթիքի առաջնորդությամբ փորձել են նվաճել լեռան գագաթը։
Մոշե Էլադը նշել է, որ հնարավոր հարձակման դեպքում չկա որևէ երաշխիք, որ ՆԱՏՕ-ն անվերապահորեն կաջակցի Թուրքիային։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Ճապոնիայի Առևտրի նախարարության հայտարարության համաձայն՝ որոշումը ուժի մեջ կմտնի սեպտեմբերի 19-ից։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |