Թուրքիայի խորհրդարանը միաձայն դատապարտել է Իսրայելին

Քաղաքական11:25, 18 Հունիս 2025

Թուրքիայի խորհրդարանը միաձայն դատապարտել է Իսրայելին

Թուրքիայի Ազգային Մեծ Ժողովի (ԹԱՄԺ-TBMM) նիստում միաձայն ընդունվել է Իսրայելի գործողությունները դատապարտող բանաձև: Բանաձևի տակ ստորագրություն է դրել խորհրդարանի նախագահ Նուման Քուրթուլմուշը:

Բանաձևում վերահաստատվում է այն միտքը, որ Գազայում հազարավոր անմեղ մարդկանց սպանությունից հետո Իրանի դեմ իրականացված հարձակումները ցույց են տալիս, որ Իսրայելի ղեկավարությունը տարածաշրջանային խաղաղության դեմ համընդհանուր հակամարտության ռազմավարություն է իրականացնում:

Փաստաթղթում նշվում է նաև, որ Իրանի դեմ Իսրայելի հարձակումները տարածաշրջանում խորացնում են լարվածությունը և առաջացնում լայնածավալ պատերազմի վտանգ։

Թուրքիայի գերագույն օրենսդիր մարմինը դատապարտել է Իրանի դեմ Իսրայելի իրականացրած վերջին հարձակումները, ինչպես նար Իսրայելի կողմից Գազայի ժողովրդի դեմ շարունակվող ռազմական գործողությունները՝ բնորոշելով դա որպես ցեղասպանություն։

Աղբյուր` www.trthaber.com

Այս ենթաբաժնի վերջին նորությունները

14:48, 18 հուն

Էրդողան. «Թուրքիան պատրաստ է ցանկացած սցենարի»

Թուրքիայի նախագահը նաև նշել է, որ որ բոլոր ինստիտուտները զգոն են։

13:44, 18 հուն

Հրեա լրագրող. «Իսրայելի հաջորդ թիրախը Թուրքիան է»

Էյալ Բերկովիչ․ «Քառորդ եզրափակիչում «HAMAS»-ին հաղթեցինք 11 մետրանոցներով, կիսաեզրափակիչում հաղթեցինք Իրանին, իսկ ահա եզրափակիչը կանցկացնենք Թուրքիայի հետ»: