Թուրքիան խստիվ դատապարտել է Իսրայելի հարձակումն Իրանի վրա

Քաղաքական12:27, 13 Հունիս 2025

Թուրքիան խստիվ դատապարտել է Իսրայելի հարձակումն Իրանի վրա

Թուրքիայի արտաքին գործերի նախարարությունը խիստ քննադատությամբ է արձագանքել Իսրայելի կողմից Իրանի դեմ իրականացված օդային հարձակմանը՝ այն որակելով որպես միջազգային իրավունքի բացահայտ խախտում և տարածաշրջանային կայունության դեմ ուղղված քայլ։

Հայտարարության մեջ նշվել է․ «Իսրայելի այս գործողությունը նպատակաուղղված սադրանք է, որը միտված է տարածաշրջանում ռազմավարական անկայունության խորացնելուն։ Հարձակումը վկայում է Թել Ավիվի՝ խաղաղությունն անտեսող քաղաքականության մասին»։

Անկարան հատկապես ընդգծել է, որ Իսրայելի կողմից հարձակումն իրականացվել է Իրանի միջուկային ծրագրի շուրջ ընթացող բանակցությունների ակտիվ փուլում։ Ըստ Թուրքիայի՝ Իսրայելը միտումնավոր փորձել է խաթարել խնդրի խաղաղ կարգավորման հնարավորությունները։

Հայտարարության մեջ հնչել է նաև տարածաշրջանային պատերազմի վտանգի մասին զգուշացում․ «Մերձավոր Արևելքում չենք ցանկանում նոր արյունահեղություն և ավերածություն։ Իսրայելը պետք է դադարեցնի նման վտանգավոր գործողությունները։ Միջազգային հանրությունը պարտավոր է անհապաղ քայլեր ձեռնարկել խաղաղությունը պահպանելու համար»։

Աղբյուր` www.ekoturk.com

Այս ենթաբաժնի վերջին նորությունները

17:45, 12 սեպ

Ի՞նչ պայմանավորվածություններ են ձեռք բերել Ռուբինյաննն ու Քըլըչը

Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։

15:46, 12 սեպ

Սերդար Քըլըչ. «Շնորհակալություն ջերմ ընդունելության համար»

Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: