Քաղաքական17:52, 03 Հունիս 2025
Թուրքիայի խորհրդարանում ընտրվելու է նոր նախագահ
Թուրքիայի Մեծ ազգային ժողովի (TBMM) ընդհանուր նիստում կանցկացվի 28-րդ օրենսդիր ժամանակաշրջանի երկրորդ փուլի խորհրդարանի նախագահի ընտրություն: Ընտրությանը մասնակցելու են 5 թեկնածու, քվեարկությունը գաղտնի կլինի:
Թուրքիայում իշխող «Արդարություն և զարգացում կուսակցությունը» (AKP) որպես թեկնածու է առաջադրել ներկայիս խորհրդարանի նախագահ, Ստամբուլի պատգամավոր Նուման Քուրթուլմուշին: Թուրքիայի գլխավոր ընդդիմադիր, քեմալական «Ժողովրդահանրապետական կուսակցության» (CHP-ԺՀԿ) առաջադրել է Արդվինի պատգամավոր Ուղուր Բայրաքթութանին, «Ժողովուրդների հավասարություն և ժողովրդավարություն կուսակցությունը» (DEM)՝ Դիարբեքիրի պատգամավոր Օսման Ջենգիզ Չանդարին, Լավ կուսակցությունը (İYİ Parti)՝ Ստամբուլի պատգամավոր Մուստաֆա Ջիհան Փաչաջըին, իսկ Նոր ճանապարհ կուսակցությունը՝ Սամսունի պատգամավոր Մեհմեթ Քարամանին:
Առաջին երկու քվեարկություններում կպահանջվի անդամների ընդհանուր թվի երկու երրորդը, երրորդ քվեարկությունում՝ պարզ մեծամասնություն: Եթե երրորդ քվեարկությունում պարզ մեծամասնություն չապահովվի, ապա ամենաշատ ձայն ստացած երկու թեկնածուների միջև կկայանա չորրորդ քվեարկություն: Չորրորդ քվեարկությունում ամենաշատ ձայն ստացած անդամը կընտրվի մեջլիսի նախագահ:
Մինչ օրս Թուրքիայի մեջլիսի նախագահության պաշտոնը զբաղեցրել են 30 պատգամավորներ: Եթե Նուման Քուրթուլմուշից բացի մեկ ուրիշն ընտրվի, նա կդառնա 31-րդ նախագահը: Ամենաերկար ժամանակ այս պաշտոնում եղել է Մուսթաֆա Աբդյուլհալիք Ռենդան՝ 11 տարի (1935-1946), իսկ ամենակարճ ժամանակ՝ Իսմեթ Սեզգինը՝ 2 ամիս 1 շաբաթ:
Այս ենթաբաժնի վերջին նորությունները
Նորընտիր անդամները պաշտոնը կստանձնեն 2026 թվականի հունվարի 1-ից։
Զրուցակիցները քննարկել են Հայաստան–Թուրքիա հարաբերություններին և տարածաշրջանային զարգացումներին վերաբերող հարցեր, պայմանավորվել շարունակել երկխոսությունը։
Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Էրդողանը և Փեզեշքիանը քննարկել են Թուրքիա-Իրան երկկողմ հարաբերությունները, ինչպես նաև տարածաշրջանային և գլոբալ հարցեր։
Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն հայտնել է, որ թռիչքները կիրականացնի AJET ավիաընկերությունը։
Թուրքիայում իշխող «Արդարություն և զարգացում կուսակցությունը» (AKP) որպես թեկնածու է առաջադրել ներկայիս խորհրդարանի նախագահ, Ստամբուլի պատգամավոր Նուման Քուրթուլմուշին:
Նշենք, որ իշխող կուսակցության ներկայացուցչին միայն 3-րդ փուլում է հաջողվել ստանալ անհրաժեշտ թվով ձայներ:
Հիշեցնենք, որ ավելի վաղ Ստամբուլում անցկացվել էին ռուս-ուկրաինական բանակցությունների երկրորդ փուլը:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |