Հասարակական16:20, 27 Մայիս 2025
Թուրքիայի բնակչության կեսից ավելին պարտքի տակ է
Թուրքիայում ամեն չորս մարդուց մեկն ի վիճակի չէ վճարել իր պարտքերը: 2025 թվականի առաջին 5 ամսում բռնագանձման գերատեսչություններ է ներկայացվել 4 միլիոն 24 հազար նոր գործ: Վերջին մեկ տարվա ընթացքում բռնագանձման ենթակա գործերի թիվը 1․5 միլիոնով է ավելացել:
Թուրքիայի գլխավոր ընդդիմադիր, քեմալական «Ժողովրդահանրապետական կուսակցության» (CHP-ԺՀԿ) Մերսին նահանգի պատգամավոր Գյուլջան Քըշի հայտարարությամբ՝ միայն այս տարվա սկզբից անհատական պարտքերի համար բռնագանձման ենթակա գործերի ընդհանուր գումարը 56 միլիարդ լիրայով ավելացել է: Նա նշել է, որ քաղաքացիների վերցրած վարկերը հիմնականում ոչ թե այլ ապրանքների, այլ օրվա հացի համար են։
Պատգամավորը քննադատել է իշխանություններին՝ հիշեցնելով նախագահական կառավարման համակարգին անցնելու ժամանակ տրված խոստումները.
«Ասում էին՝ հենց նախագահական համակարգ լինի, ամեն ինչ կկարգավորվի: Արդյունքում քաղաքացիներն են տուժել: Ավելացել է ոչ թե բարեկեցությունը, այլ ավելացել են պարտքերը, թանկացումները և հարկերը»:
Պարտքային ճգնաժամի խորացումը և բռնագանձման գործերի թվի աննախադեպ աճը ցույց է տալիս Թուրքիայում տնտեսական խոցելիության սոցիալական լուրջ հետևանքները։
Այս ենթաբաժնի վերջին նորությունները
Ընդ որում քաղաքացիների վերցրած վարկերը հիմնականում ոչ թե այլ ապրանքների, այլ օրվա հացի համար են։
Չեղարկվել են նաև հնդիկ միլիարդատերերի՝ Թուրքիայում կայանալիք շքեղ հարսանիքների նախապատրաստական աշխատանքները։
Գերմանիայի դաշնային վիճակագրական գրասենյակը տվյալներ է հրապարակել երկրում միգրանտների թվաքանակի վերաբերյալ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Չեղարկվել են նաև հնդիկ միլիարդատերերի՝ Թուրքիայում կայանալիք շքեղ հարսանիքների նախապատրաստական աշխատանքները։
Օդանավակայանն ունի 3000մ երկարությամբ և 60մ լայնությամբ թռիչքուղի, ինչպես նաև տերմինալ, որը կարող է սպասարկել ժամում 200 ուղևորի։
Այս շաբաթ Աթենք մեկնող Հնդկաստանի պատվիրակությունը ևս մեկ անգամ կվկայի երկու երկրների միջև քաղաքական հարաբերությունների բարձր մակարդակի մասին։
Մայիսի 27-ին նախատեսված է հանդիպում ՌԴ արտգործնախարար Սերգեյ Լավրովի հետ։
Ջևդեթ Յըլմազը նշել է, որ Թուրքիան և Ադրբեջանը կիսում են «Միջին միջանցք»-ի տեսլականը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |