Քաղաքական11:18, 27 Մայիս 2025
Թուրքիան և Ադրբեջանը մտադիր են առևտրի ծավալները հասցնել 15 մլրդ դոլարի
Թուրքիայի փոխնախագահ Ջևդեթ Յըլմազն Անկարայում անցկացված միջոցառմանը շնորհավորել է Ադրբեջանին անկախության օրվա առթիվ։
«Թուրքիան և Ադրբեջանը միասին կառուցում են ապագան՝ միավորվելով ընդհանուր գաղափարների շուրջ։ Մեր ճակատագիրն ընդհանուր է, ոչ թե ուղղակի մեկ դար, այլ հազար տարվա հիշողությունները, ուրախություններն ու տխրություններն ընդհանուր են»,- շեշտել է Յըլմազը։
Նա նաև նշել է, որ 2021-ի հունիսիս 15-ի «Շուշիի հռչակագրով» Թուրքիա-Ադրբեջան հարաբերությունները բարձրացվել են ռազմավարական դաշնակցային մակարդակի։
Յըլմազն ընդգծել, որ Թուրքիան և Ադրբեջանը կիսում են «Միջին միջանցք»-ի տեսլականը և տարածաշրջանում առաջնորդում են ինտեգրացիան բազմաթիվ ոլորտներում՝ տրանսպորտից մինչև արդյունաբերություն, պաշտպանական արդյունաբերությունից մինչև առևտուր, էլեկտրոնիկայից մինչև թվայնացում։
Թուրքիայի փոխնախագահը նշել է, որ երկկողմ առևտրաշրջանառությունը 2024-ին կազմել էր շուրջ 8 մլրդ դոլար և մտադիր են այդ առևտրաշրջանառության ծավալները հասցնել 15 մլրդ դոլարի։
Անդրադառնալով 2020-ի արցախյան 44 օրյա պատերազմին՝ Յըլմազը նշել է, որ պատերազմից հետո մեծ հնարավորություն է բացվել Հարավային Կովկասում անդորր տիրելու համար։
Շեշտելով, որ երկկողմ դաշնակցությունը զարգանում է բոլոր ուղղություններով՝ ներառյալ համատեղ զորավարժությունները՝ Յըլմազը հավելել է․ «Մենք մեր եղբայրությունն Ադրբեջանի հետ ուս ուսի տված կրում ենք ոչ միայն երկկողմ հարաբերություններում, այլև թյուրքական պետությունների կազմակերպության տանիքի ներքո, համատեղ զարգացման մեխանիզմներում, ինչպիսին է «Թյուրքական ներդրումային հիմնադրամը», և երրորդ երկրների մասնակցությամբ եռակողմ համագործակցություններում»։
Այս ենթաբաժնի վերջին նորությունները
Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։
Թուրքիայի Դողուբեյազըթ քաղաք ժամանած լեռնագնացները տեղացի ուղեկցող Ջումա Սալթիքի առաջնորդությամբ փորձել են նվաճել լեռան գագաթը։
Մոշե Էլադը նշել է, որ հնարավոր հարձակման դեպքում չկա որևէ երաշխիք, որ ՆԱՏՕ-ն անվերապահորեն կաջակցի Թուրքիային։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Ճապոնիայի Առևտրի նախարարության հայտարարության համաձայն՝ որոշումը ուժի մեջ կմտնի սեպտեմբերի 19-ից։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |