Էրդողան․ «Թուրքիան կշարունակի կանգնել Սիրիայի կողքին, ինչպես միշտ»

Քաղաքական19:23, 24 Մայիս 2025

Էրդողան․ «Թուրքիան կշարունակի կանգնել Սիրիայի կողքին, ինչպես միշտ»

Սիրիայի անցումային շրջանի նախագահ Ահմեդ ալ-Շարան Ստամբուլում հանդիպել է Թուրքիայի նախագահ Ռեջեփ Թայիփ Էրդողանի հետ։ Հանդիպման ընթացքում քննարկվել են երկկողմ հարաբերությունները, տարածաշրջանային և միջազգային զարգացումները։ Էրդողանը նշել է, որ հավատում է, որ Սիրիային սպասվում են շատ ավելի պայծառ և խաղաղ օրեր ու Թուրքիան կշարունակի կանգնել Սիրիայի կողքին, ինչպես միշտ։

Էրդողանը նաև հայտնել է, որ Իսրայելի կողմից Սիրիայի դեմ գործողություններն անընդունելի են, և Թուրքիան կշարունակի դրան դեմ լինել բոլոր հարթակներում։

Հանդիպմանը նաև նշվել է, որ Թուրքիայի և Սիրիայի միջև երկկողմ հարաբերություններն ու համագործակցությունը կշարունակեն զարգանալ բոլոր ոլորտներում, հատկապես՝ էներգետիկայի, պաշտպանության և տրանսպորտի ոլորտներում։

Հանդիպմանը ներկա են գտնվել նաև Թուրքիայի արտգործնախարար Հաքան Ֆիդանը, պաշտպանության նախարար Յաշար Գյուլերը, ազգային հետախուզական ծառայության ղեկավար (MIT) Իբրահիմ Քալընը, նախագահի արտաքին քաղաքականության և անվտանգության գլխավոր խորհրդական Աքիֆ Չաղաթայ Քըլըչը, ռազմարդյունաբերության նախագահ Հալուք Գյորգյունը, Սիրիայի արտգործնախարար Էսադ Հասան Շեյբանին և մի շարք այլ պաշտոնյաներ։

Աղբյուր` trthaber.com

Այս ենթաբաժնի վերջին նորությունները

17:45, 12 սեպ

Ի՞նչ պայմանավորվածություններ են ձեռք բերել Ռուբինյաննն ու Քըլըչը

Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։

15:46, 12 սեպ

Սերդար Քըլըչ. «Շնորհակալություն ջերմ ընդունելության համար»

Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: