Քրդերի ռազմաքաղաքական կառույցը վայր է դնում զենքերը և ինքնալուծարվում

Ռազմական10:50, 12 Մայիս 2025

Քրդերի ռազմաքաղաքական կառույցը վայր է դնում զենքերը և ինքնալուծարվում

«Քուրդիստանի բանվորական» կուսակցությունը (ՔԲԿ-PKK) հրապարակել է մայիսի 5-ից 7-ը գումարված 12-րդ կոնգրեսի որոշումները։ Ըստ այդմ՝ հայտարարվել է, որ ՔԲԿ-ը վայր է դնում զենքերը և ինքնալուծարվում:

Կոնգրեսը որոշել է, որ ՔԲԿ-ի պայքարը մասնատել է քուրդ ժողովրդի ժխտման և ոչնչացման քաղաքականությունը, Քրդական հարցը բերել է ժողովրդավար քաղաքական ճանապարհով լուծելու հանգրվանի և այդպիսով ամբողջացրել է իր պատմական առաքելությունը։

Կոնգրեսը դադարեցրել է նաև ՔԲԿ-ի անվան տակ տարվող աշխատանքները՝ որոշելով լուծարել կառույցը և դադարեցնել զինված պայքարը։

Հիշեցնենք, որ սույն թվականի փետրվարի 27-ին Թուրքիայում գործող ընդդիմադիր «Ժողովուրդների հավասարություն և ժողովրդավարություն կուսակցության» (DEM) 7 հոգուց կազմված պատվիրակությունը մեկնել էր Մարմարա ծովի Իմրալը կղզի, որտեղ 26 տարի է, ինչ ցմահ ազատազրկված է ՔԲԿ-ի հիմնադիր առաջնորդ Աբդուլլահ Օջալանը (Ափո)։ Վերջինս զենքերը վայր դնելու և ինքնալուծարվելու կոչով էր հանդես եկել։

Աղբյուր` t24.com.tr

Այս ենթաբաժնի վերջին նորությունները

12:48, 08 սեպ

Հունական մամուլ. «Թուրքիայի զինված ուժերում ՀՕՊ համալրումները կարող են թիրախավորել Հունաստանին և Իսրայելին»

Նշվում է, որ «İLTER J350» ՀՕՊ համակարգը կապահովի զգալի աճ Թուրքիայի ռազմական կարողությունների համար և տարածաշրջանում կարող է փոխել ուժերի բալանսը։

17:13, 05 սեպ

Ըստ իսրայելցի գնդապետի՝ Իսրայելը կտրականապես պատրաստ չէ թուրքական բանակի հետ պատերազմելուն

Իսրայելի զինված ուժերում շուրջ 20 տարի ծառայած, այժմ Երուսաղեմի ռազմավարության և անվտանգության ինստիտուտը ղեկավարող Էրան Լերմանը խոսել է Իսրայել-Թուրքիա հնարավոր առճակատման մասին։