Թուրքիայի և Միացյալ Թագավորության միջև սկսվում են Ազատ առևտրի համաձայնագրի բանակցությունները։

Տնտեսական17:12, 07 Մայիս 2025

Թուրքիայի և Միացյալ Թագավորության միջև սկսվում են Ազատ առևտրի համաձայնագրի բանակցությունները։

Թուրքիայի առևտրի նախարար Օմեր Բոլաթը Լոնդոն կատարած այցի շրջանակում հանդիպել է Միացյալ Թագավորության առևտրի նախարար Ջոնաթան Ռեյնոլդսի հետ։

Բոլաթը հանդիպումից հետո կազմակերպված մամուլի ասուլիսի ընթացքում հայտարարել է, որ Թուրքիայի և Միացյալ Թագավորության միջև Ազատ առևտրի համաձայնագրի (ԱԱՀ) երկարաձգման շուրջ բանակցությունների առաջին փուլը նախատեսվում է սկսել հուլիսին։

Թուրք նախարարը հայտնել է, որ Ռեյնոլդսին հրավիրել են Թուրքիա և այսօրվա հանդիպման շրջանակներում երկու համաձայնագիր է ստորագրվել։

Բոլաթի խոսքով՝ ի լրումն 2020 թվականի վերջին Թուրքիայի և Միացյալ Թագավորության միջև ստորագրված արդյունաբերական արտադրանքներին վերաբերող հիշյալ համաձայնագրի, համաձայնագրեր են ստորագրվել առևտրի տեխնիկական խոչընդոտների և ավտոմոբիլային և քիմիական նյութերի տեխնիկական խոչընդոտների վերացման վերաբերյալ։

«Այս համաձայնագրերը նպատակ ունեն վերացնել տեխնիկական խոչընդոտները, որոնք ներկայումս արգելք են հանդիսանում մեր երկու երկրների միջև առևտրի համար։ Այն կազմում է մեր 22 միլիարդ դոլար արժողությամբ երկկողմ առևտրի մեկ երրորդը կամ 7,5 միլիարդ դոլարը: Սա մեզ համար հեշտացնում է մուտքը Միացյալ Թագավորության շուկա, հատկապես ավտոմոբիլային ապրանքների և քիմիական նյութերի համար»,-եզրափակել է Բոլաթը:

Աղբյուր` haberglobal

Այս ենթաբաժնի վերջին նորությունները

15:13, 08 մայ

Թուրքիան Սոմալիում 20 մլրդ բարել նավթային պաշար է հայտնաբերել

Ըստ Սոմալիի և Թուրքիայի միջև կնքված նավթային ոլորտի համագործակցության համաձայնագրի՝ ստացված եկամուտների 30 տոկոսը պատկանում է թուրքական կողմին։

12:56, 08 մայ

Քննարկվել է Թուրքիա-Վրաստան առևտրային համագործակցությանը վերաբերող հարցեր

Թուրքիայի Ռիզե նահանգի փոխնահանգապետն ընդունել է Բաթումիում Թուրքիայի գլխավոր հյուպատոսի և Աջարիայի առևտրաարդյունաբերական պալատի նախագահի պատվիրակությանը։