Ֆիդանը կմացնակցի ԵՄ անդամ երկրների արտգործնախարարների ոչ պաշտոնական նիստին

Քաղաքական15:54, 06 Մայիս 2025

Ֆիդանը կմացնակցի ԵՄ անդամ երկրների արտգործնախարարների ոչ պաշտոնական նիստին

Թուրքիայի արտգործնախարար Հաքան Ֆիդանը մայիսի 8-ին կմասնակցի Վարշավայում կայանալիք Եվրոպական միության (ԵՄ) արտգործնախարարների մակարդակով ոչ պաշտոնական հանդիպմանը:

Հանդիպման օրակարգում են լինելու Թուրքիայի՝ ԵՄ-ին անդամակցելու գործընթացին, ինչպես նաև մայրացամաքային անվտանգությանը վերաբերող հարցեր:

Թուրքիայի արտաքին քաղաքական գերատեսչության աղբյուրների համաձայն՝ Ֆիդանը Վարշավա է մեկնելու ահաբեկչության դեմ պայքարի և Եվրոպայի ռազմարդյունաբերական կարողունակությունները զարգացնելու նախաձեռնություններով:

Այս համատեքստում Ֆիդանն ընդգծելու է, որ Թուրքիան պատրաստ է նպաստել Եվրոպայի անվտանգությանը, ինչպես նաև ակնկալում է աջակցություն ահաբեկչության դեմ պայքարի հարցում:

Նշվում է, որ անդրադարձ է կատարվելու անցակետերի արդիականացման, առևտրային հարաբերությունների զարգացման և վիզայի ազատականացման հարցերին ևս:

Ակնկալվում է նաև, որ Ֆիդանը երկկողմ հանդիպումներ կունենա ԵՄ անդամ տարբեր երկրների իր գործընկերների հետ:

Նշենք, որ թուրքական մամուլում ընդգծվում է, որ Ֆիդանի մասնակցությունը հանդիպմանը կարևոր է՝ Թուրքիա-ԵՄ հարաբերությունների տեսանկյունից:

Բացի այդ նշվում է, որ ոչ պաշտոնական հանդիպմանը մասնակցելու հրավերը ցույց է տալիս, թե ինչպիսի վճռական և հետևողական քաղաքականություն է վարում Թուրքիան ԵՄ-ի հետ հարաբերություններում:

Աղբյուր` Trthaber.com

Այս ենթաբաժնի վերջին նորությունները

14:59, 22 օգոս

Թուրքիայում իշխող կուսակցությունն իր դիրքերը զիջում է ընդդիմադիր ուժին

Թուրքական «ORC Araştırma» հետազոտական ընկերությունը հրապարակել է սոցհարցման արդյունքները։

14:25, 22 օգոս

Գազայում բնակվող բժիշկն Էրդողանին մեղադրել է իրենց մոլորեցնելու մեջ

Ըստ Սահր Համադի՝ առկա իրավիճակը ծանր հարված է հասցնում Էրդողանի քաղաքական համբավին։

11:34, 22 օգոս

Middle East Eye. «Թուրքիան պատրաստակամ է խաղաղապահ ուժեր տեղակայել Ուկրաինայում»

Թրամփն ընդգծում է, որ ԱՄՆ-ն կաջակցի Ուկրաինայի անվտանգությանը, սակայն ամերիկացի զինվորներ չեն ուղարկվի․ գործընթացում առաջատար դերը պետք է ստանձնեն եվրոպական երկրները։