Գիտակրթական12:06, 29 Ապրիլ 2025
Թուրքական մամուլը լուսաբանել է Հայաստանի՝ «Սիլիկոնյան հովիտ» դառնալու ձգտումները
Թուրքական մամուլը հրապարակել է հոդված, որում անդրադարձել է Հայաստանի տեխնոլոգիական ոլորտի զարգացմանը՝ վերլուծելով երկրի ապագա տնտեսական քաղաքականության ուղղությունները:
Հոդվածում, որն ըստ էության BBC-ի կովկասյան թղթակից Ռայհան Դեմիտրիի ռեպորտաժի վերատպությունն է, նշվում է, որ Հայաստանը՝ որպես Հարավային Կովկասի ամենաքիչ բնակչություն ունեցող երկիր, ակտիվորեն փնտրում է տնտեսական զարգացման նոր մոդել:
Թուրքական մամուլը հատուկ ընդգծում է, որ 2020թ. պատերազմից հետո Հայաստանը փորձում է միաժամանակ հավասարակշռել Ռուսաստանի և Արևմուտքի հետ հարաբերությունները՝ ապահովելով իր անվտանգությունը և զուգահեռաբար զարգացնել տեխնոլոգիական ոլորտը:
Մանրամասն անդրադարձ է կատարվում 2014թ. մեկնարկած «Արմաթ» կրթական ծրագրին, որի շրջանակներում երեխաները դեռ տարրական դպրոցից սկսում են ուսումնասիրել ծրագրավորում, կոդավորում, ռոբոտաշինություն և եռաչափ մոդելավորում: Ներկայումս երկրում գործում է 650 «Արմաթ» լաբորատորիա:
Թուրքական մամուլը մեջբերում է Հայաստանի Բարձր տեխնոլոգիաների ձեռնարկությունների միության (UATE) գլխավոր տնօրեն Սարգիս Կարապետյանի խոսքը. «Մենք ցանկանում ենք Հայաստանը դարձնել տեխնոլոգիական կենտրոն, որը ներկայացնում է աշխարհին մեծագույն արժեքներ»:
Հոդվածում հատուկ ընդգծվում է, որ Հայաստանում տեխնոլոգիական ընկերությունների թիվը հասել է 4000-ի, իսկ «Արմաթ» ծրագիրը երկրի ամենահաջողված պետական-մասնավոր համագործակցության օրինակն է:
Թուրքական մամուլն անդրադառնում է նաև այն փաստին, որ Հայաստանը, չունենալով հարուստ բնական ռեսուրսներ և ունենալով բարդ հարաբերություններ հարևան երկրների հետ, փորձում է կառուցել իր ապագան՝ զարգացնելով խորհրդային ժամանակաշրջանից մնացած մաթեմատիկայի և համակարգչային գիտությունների ոլորտում ունեցած հաջողությունները:
Հոդվածը նաև հիշատակում է 2011թ. Հայաստանում ստեղծված «Picsart» ընկերության հաջողության պատմությունը, որը ներկայումս գնահատվում է 1.5 մլրդ դոլար, և նշում, որ աշխարհասփյուռ հայ համայնքն օգնում է ստեղծել միջազգային կապեր տեխնոլոգիական ոլորտում:
«INDEPENDENT Türkçe» լրատվամիջոցի խմբագրությունը նշում է, որ վերլուծական այս հոդվածն արտացոլում է տնտեսական զարգացման այն մոդելը, որը Հայաստանը փորձում է որդեգրել և դառնալ տեխնոլոգիական առաջատար տարածաշրջանում:
Այս ենթաբաժնի վերջին նորությունները
Նշենք, որ ֆիլմի ռեժիսորը Սարին Հայրապետյանն է և ֆիլմը պատմում է 11 տարեկան տղայի մասին, ով տեղահանվել էր Արցախից Հայաստանի և Ադրբեջանի միջև 44-օրյա պատերազմի ժամանակ։
Հուշագիրը վերաբերում է թուրքմենա-թուրքական հանրակրթական դպրոցներում անցկացվող դասընթացներին։
Հրապարակվել է հոդված Հայաստանի տեխնոլոգիական ոլորտի զարգացման մասին։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Կազմակերպությունը համոզմունք է հայտնել, որ այս պատմական զարգացումը տարածաշրջանին կբերի երկարատև խաղաղություն։
Թուրքիայի պահպանողական, իսլամիստական ուղղվածության «Նոր բարօրություն կուսակցության» ղեկավարը հանդես է եկել հայտարարությամբ:
ԱՄՆ նախագահ Դոնալդ Թրամփի հովանու ներքո օգոստոսի 12-ի երկու երկրների միջև նախաստորագրվել էր խաղաղության և դիվանագիտական հարաբերությունների հաստատման մասին համաձայնագիրը:
Պոլսահայ գործիչը անհրաժեշտ է համարել անհապաղ քայլեր ձեռնարկել այդ ուղղությամբ։
«Թուրքիայի վիճակագրական կոմիտեն» հրապարակել է «Կյանքից մարդկանց գոհունակության մասին հետազոտության» արդյունքները:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |