Միջազգային15:56, 24 Մարտ 2025
Թուրքիայի արտաքին գործերի նախարարը կմեկնի ԱՄՆ
Թուրքիայի արտաքին գործերի նախարար Հաքան Ֆիդանը մարտի 25-26-ը պաշտոնական այցով կմեկնի Ամերիկայի Միացյալ Նահանգներ։ Այն կլինի առաջին երկկողմ այցը Դոնալդ Թրամփի վարչակազմի օրոք։
Այցի ընթացքում նախատեսվում է, որ քննարկվելու են երկկողմ հարաբերություններում հնարավոր ռազմավարական քայլերը և առաջիկայում սպասվող նախագահների հանդիպման նախապաաստման աշխատանքները։
Այցի շրջանակներում Ֆիդանը կհանդիպի ԱՄՆ-ի պետքարտուղար Մարկո Ռուբիոյի և այլ բարձրաստիճան պաշտոնյանների հետ։ Նախատեսվում է, որ օրակարգային հարցերի թվում կլինեն Ուկրաինայում և Պաղեստինում տիրող իրավիճակը, Սիրիայում տեղի ունեցող զարգացումները, երկու երկրներին հետաքրքրող տարածաշրջանային զարգացումներև ու այդ համատեքստում համագործակցության հնարավորությունները։
Նախատեսվում է, որ Ֆիդանը Վաշինգտոնում ներկայացնելու է Թուրքիայի մոտեցումները տարածաշրջանային հարցերում, ինչպես նաև ընդգծելու է Թուրքիայի աջակցությունը Սիրիայի տարածքային ամբողջականությանը և կայունությանը, առաջարկելու է վերացնել Սիրիայի դեմ պատժամիջոցները։
Սպասվում է, որ Թուրքիայի արտգործնախարարը կընդգծի Թուրքիայի կողմից ահաբեկչական կազմակերպություն համարվող՝ «Քուրդիստանի բանվորական կուսակցության» (PKK-ՔԲԿ) և «Սիրիայի քրդական ինքնապաշտպանական ուժեր» (YPG) լուծարման, գյուլենականների դեմ պայքարի հարցում համագործակցությունն ամրապնդելու անհրաժեշտությունը։
Թուրքիայի պետական «Anadolu»- լրատվական գործակալության փոխանցմամբ՝ հանդիպումների ընթացքում Ֆիդանը կանդրադառնա նաև Թուրքիայի նկատմամբ CAATSA-ի պատժամիջոցների չեղարկման շուրջ աշխատանքներ սկսելու հարցին, ինչպես նաև կկարևորի Թուրքիային «F-35. կործանիչների ծրագիր վերադարձի հարցը։
Այս ենթաբաժնի վերջին նորությունները
Պետդեպին ուղարկած նամակում Գուս Բիլիրաքիսը և Բրեդ Շնայդերը գրել են, որ դա կարող է հանգեցնել Իսրայել-Թուրքիա ուղիղ բախման:
Պաղեստինյան «ՀԱՄԱՍ» խմբավորման պատվիրակությունը Անկարայում հանդիպել է Թուրքիայի արտգործնախարարի և Ազգային հետախուզական կազմակերպության (MİT) ղեկավար Իբրահիմ Քալընի հետ:
Հանդիպումը կկայանա ապրիլի 18-ին 13 երկրների խորհրդարանների նախագահների մասնակցությամբ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այս ցուցանիշով Թուրքիան աշխարհի երկրների ցանկում զբաղեցրել է 17-րդ հորիզոնականը։
Հրապարակվել է հոդված Հայաստանի տեխնոլոգիական ոլորտի զարգացման մասին։
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Ամերիկյան «New York Times» օրաթերթն ուշադրություն է հրավիրել Թուրքիայում աճող ավտորիտարիզմի վրա։
Մի քանի րոպե անց մայրը նկատել է կատարվածը և դուրս է բերել նրան աղբարկղից:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |