Ռազմական15:36, 10 Մարտ 2025
Թուրքիան արգելափակել է Իսրայելի մասնակցությունը ՆԱՏՕ-ի զորավարժությանը
Իսրայելի արտգործնախարարության աղբյուրներին հղում տալով՝ մամուլը գրում է, որ Թուրքիան արգելափակել է Իսրայելի մասնակցությունը ՆԱՏՕ-ի տարեկան զորավարժությանը։
Թուրքիան մասնավորապես խոչընդոտել է Իսրայելի մասնակցությունը ՆԱՏՕ-ի «Կայունություն և արտակարգ իրավիճակների պատրաստվածություն» խորագրով տարեկան զորավարժությանը։
Նշվում է, որ ՆԱՏՕ-ի որոշումները սովորաբար կոնսենսուս են պահանջում, և առանց Իսրայելի հետ ակտիվ գործընկերային համաձայնագրի հնարավոր չէ Թուրքիային պարտադրել թույլ տալ Իսրայելի մասնակցությունը դաշինքի պաշտոնական գործունեությանը։
Իսրայելի պաշտոնական շրջանակները Թուրքիային մեղադրել են վետոյի իրավունքը որպես քաղաքական գործիք օգտագործելու մեջ։
«Թուրքիայի այս դիրքորոշումը թուլացնում է տարածաշրջանային համագործակցությունը և ՆԱՏՕ-ի՝ գլոբալ մարտահրավերներին դիմակայելու կարողությունը»,- ասել է անանուն պաշտոնյան։
Ըստ նրա՝ Թուրքիան վետոյի իրավունքը կիրառում է ռազմավարական գործընկերություններին վնաս հասցնելու ձևով։ Իսրայելի՝ ՆԱՏՕ-ի հետ համագործակցության արգելափակումն անհնար է դարձնում կայունության ապահովումը և հակասում է դաշինքի հիմնարար արժեքներին։
Հրապարակման մեջ նաև նշվում է, որ Գազայի պատերազմից ի վեր Թուրքիան մշտապես խոչընդոտել է ՆԱՏՕ-Իսրայել համագործակցությանը և պնդել, որ դաշինքը չպետք է համագործակցի Իսրայելի հետ, քանի դեռ հակամարտությունը շարունակվում է։ Նախկինում Անկարան փորձել էր անգամ կանխել Իսրայելի՝ ՆԱՏՕ-ում դիտորդի կարգավիճակ ձեռք բերելու փորձերը։
Հիշեցնենք, որ ՆԱՏՕ-ի վերջին գագաթնաժողովում Թուրքիայի նախագահ Ռեջեփ Թայիփ Էրդողանը հայտարարել էր, որ դաշինքը չի կարող շարունակել իր գործընկերությունը Իսրայելի կառավարության հետ։ Դրան ի պատասխան, Իսրայելի այն նախկին արտգործնախարար Իսրայել Կացը կոչ էր արել ՆԱՏՕ-ից հեռացնել Թուրքիային։
Այս ենթաբաժնի վերջին նորությունները
Նշվում է, որ համագործակցության շրջանակում այց է կատարվել Ադրբեջանի ռազմածովային ուժերին պատկանող ուսումնական կենտրոններ ու նավաշինարաններ։
Ամերկյան ընկերությունը հրապարակել է 2025-ին աշխարհում ամենաուժեղ բանակն ունեցող պետությունների ցանկը:
«Hava SOJ» էլեեկտրական մարտկոցով աշխատող ինքնաթիռը կարող է արգելափակել ռադարային ազդանշանները՝ ապահովելով ռազմական մյուս ինքնաթիռների արդյունավետ գործունությունը:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
«Forbes Türkiye» բիզնես-ամսագիրը հրապարակել է Թուրքիայի ամենահարուստ 100 մարդկանց ցանկը։
Ամերկյան ընկերությունը հրապարակել է 2025-ին աշխարհում ամենաուժեղ բանակն ունեցող պետությունների ցանկը:
Օրակարգում է եղել Պակիստանի և Հնդկաստանի միջև մեկնարկած ռազմական բախումը:
Հայտարարության մեջ կողմերին կոչ է արվել գործել ողջամիտ և խուսափել միակողմանի գործողություններից։
Թուրքիայի Ռիզե նահանգի փոխնահանգապետն ընդունել է Բաթումիում Թուրքիայի գլխավոր հյուպատոսի և Աջարիայի առևտրաարդյունաբերական պալատի նախագահի պատվիրակությանը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |