Հասարակական16:56, 06 Մարտ 2025
Կանայք կազմում են Թուրքիայի բնակչության գրեթե կեսը
Համաձայն Թուրքիայի վիճակագրական ինստիտուտի (TÜİK) հրապարակած «Կանայք վիճակագրության մեջ, 2024» զեկույցի՝Թուրքիայի բնակչության 49.98%-ը կազմում են կանայք, իսկ 50.02%-ը՝ տղամարդիկ: Կանանց թիվը գրանցվել է 42 մլն 811.834, իսկ տղամարդկանց թիվը՝ 42 մլն 853.110: Տարիքի աճին զուգընթաց՝ բնակչության մեջ կանանց հարաբերակցությունն աճում է՝ 90 և բարձր տարիքային խմբում հասնելով 69.1%-ի:
Կրթական տվյալները ցույց են տալիս տարիների ընթացքում կրթության առնվազն մեկ մակարդակ ավարտած կանանց տոկոսի զգալի աճ: 2008 թվականին 25 և բարձր տարիքի կանանց 67.5%-ն ավարտել էր կրթության առնվազն մեկ մակարդակ, իսկ 2023 թվականին այս ցուցանիշը հասել է 87.8%-ի: Բարձրագույն կրթություն ունեցող կանանց համամասնությունը հասել է 22.7%-ի, իսկ տղամարդկանց դեպքում՝ 26.2%-ի:
Պարզվել է, որ կանանց մասնակցությունն աշխատաշուկայում աճում է կրթության մակարդակի բարձրացմանը զուգընթաց: 2023 թվականին 15 և բարձր տարիքի կանանց աշխատուժի մասնակցության մակարդակը կազմել է 35.8%, մինչդեռ տղամարդկանց դեպքում այն կազմել է 71.2%: Հատկանշական է, որ բարձրագույն կրթություն ունեցող կանանց աշխատուժի մասնակցության ցուցանիշը հասել է 68.9%-ի: Այնուամենայնիվ, կանանց զբաղվածության մակարդակը մնացել է զգալիորեն ցածր՝ 31.3%, ինչը կազմում է տղամարդկանց զբաղվածության մակարդակի կեսից էլ պակաս:
Ընդհանուր առմամբ, չնայած Թուրքիայում կանանց կրթության և աշխատուժի մասնակցության ցուցանիշների առաջընթացին, տղամարդկանց և կանանց միջև զգալի անհավասարություն դեռևս պահպանվում է:
Այս ենթաբաժնի վերջին նորությունները
Մի քանի րոպե անց մայրը նկատել է կատարվածը և դուրս է բերել նրան աղբարկղից:
Թուրքիայի համար «Ակտիվ ծերացման ինդեքսը» 2024-ին հասել է շուրջ 30-ի:
Տարեսկզբից մինչև փետրվարի վերջ Թուրքիա է մեկնել 463․865 իրանցի՝ դառնալով օտարազգի տուրիստների ամենամեծ խումբը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այս ցուցանիշով Թուրքիան աշխարհի երկրների ցանկում զբաղեցրել է 17-րդ հորիզոնականը։
Հրապարակվել է հոդված Հայաստանի տեխնոլոգիական ոլորտի զարգացման մասին։
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Ամերիկյան «New York Times» օրաթերթն ուշադրություն է հրավիրել Թուրքիայում աճող ավտորիտարիզմի վրա։
Մի քանի րոպե անց մայրը նկատել է կատարվածը և դուրս է բերել նրան աղբարկղից:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |