Թուրքիայում բանտարկվել են քրդական լրատվականնների աշխատակիցներ

Իրավական15:33, 26 Փետրվար 2025

Թուրքիայում բանտարկվել են քրդական լրատվականնների աշխատակիցներ

Թուրքիայում շարունակվում են խոսքի ազատության և քրդերի դեմ ուղղված բռնաճնշումները: Հերթական անգամ այդ ճնշման տակ հայտնվել են լրագրողներ:

Քրդերեն լրատվություն ապահովող «Ajansa Welat»-ի (AW) թղթակից Մահմուդ Ալթընթաշը դատապարվել է 1 տարի 6 ամիս ազատազրկման: Նա մեղադրվել է «Կազմակերպության (ահաբեկչական) քարոզ իրականացնելու» մեջ:

Հատկանշական է, որ դեռևս 2024-ի տարեսկզբին ձերբակալված թղթակիցը ազատազրկման է ենթարկվել հենց առաջին դատական լսման ընթացքում, իսկ վճռի հրապարակման ժամկետը հետաձգվել է:

Կալանքի տակ է հայտնվել նաև մեկ այլ քրդական լրատվականի ներկայացուցիչ:

Դիարբեքիրում գործող և միայն կին աշխատողներ ունեցող «JINNEWS» լրատվական գործակալության տնօրեն Օզնուր Դեղերը, ով ձերբակալվել էր փետրվարի 7-ին, այժմ անազատության մեջ է գտնվելու Էրզինջանի կանանց փակ բանտում:

Նշվում է նաև, որ Դեղերի ընտանիքին նույնիսկ թույլ չի տրվել տեսակցել նրան:

Աղբյուր` Artigercek.com