Բրիտանացի գործիչները քննադատել են Թուրքիայում արհմիության ղեկավարի ձերբակալությունը

Իրավական10:24, 21 Փետրվար 2025

Բրիտանացի գործիչները քննադատել են Թուրքիայում արհմիության ղեկավարի ձերբակալությունը

Մեծ Բրիտանիայի մի շարք պատգամավորներ և քաղաքական գործիչներ Լոնդոնում գտնվող Թուրքիայի դեսապանատուն բողոք պարունակող նամակ են ուղարկել։

Նամակը վերաբերել է Թուրքիայում աշխատավորների կողմից հիմնված «BİRTEK-SEN» անկախ արհմիության նախագահ Մեհմեդ Թյուրքմենի ձերբակալությանը։

Նամակում անընդունելի է համարվել արհմիության անդամի ձերբակալությունը այն պարագայում, երբ տվյալ անձը գործունեությունն իրականացրել է՝ ելնելով միության գործելակերպից։

«Թյուրքմենը, որպես արհմիության անդամ, պաշտպանել է աշխատողների իրավունքներն ու անօրինաբար ենթարկվել ճնշման»։

Ընդգծվել է նաև, որ աշխատավորների շահերը պաշտպանող մարդուն ձերբակալելը փորձ է, որի նպատակն է վախեցնել բանվոր դասակարգին։

Նշենք, որ սա Թյուրքմենի 2-րդ անընդմեջ ձերբակալությունն է։ Փետրվարի 14-ին նա իր տնից բերման էր ենթարկվել կապված Գազիանթեփ նահանգում «Գազիանթեփ-Բաշփընար (քաղաքներ-խմբ․) արդյունաբերական գոտու» աշխատողների աշխատավարձերի բարձրացման շուրջ համաձայնության չգալուց հետո իրականացված բողոքի ակցիային մասնակցելու համար, որը նույն օրը արգելվել էր նաև նահանգապետարանի կողմից։

Աղբյուր` Cumhuriyet.com.tr