Իրավական15:20, 18 Փետրվար 2025
Թուրքիայում ձերբակալվել են քաղաքական կուսակցությունների ղեկավարներ, արվեստագետներ և լրագրողներ
Ստամբուլի գլխավոր դատախազությունը հայտարարել է, որ «Ժողովուրդների դեմոկրատական կոնգրեսի» (HDK) դեմ հետաքննության շրջանակներում միաժամանակ գործողություններ են իրականացվել Ստամբուլում և 9 այլ նահանգներում։
Ձեռնարկվել է «Արշալույս օպերացիան», որի հետևանքով 60 կասկածյալներից 52-ը ձերբակալվել են։ Ձերբակալվածների թվում են մի շարք քաղաքական կուսակցությունների ղեկավարներ, արվեստագետներ և լրագրողներ։ Մասնավորապես իրականացված գործողության արդյունքում ձերբակալվել են Ստամբուլի նահանգային ղեկավարը, Գյունգյորեն շրջանի նախագահը, «Կանաչների ձախ» (Yeşil Sol Parti) կուսակցության կենտրոնական գործադիր խորհրդի անդամը, արհմիության նախագահը, գործադիրներ և այլոք։
Թուրքիայի «Աշխատավորական» կուսակցության (Emek Partisi) նախագահ Սեյիթ Ասլանը խստորեն արձագանքել է տեղի ունեցածին և նշել.
«Թուրքիայում ժողովրդավարական իրավունքների վրա ճնշումը մեծանում է, միանձնյա կառավարությունը, որը ցանկանում է Թուրքիան վերածել բաց բանտի, չի կարողանա հասնել իր նպատակներին: Մենք չենք հանձնվի այս մտածելակերպին, որը պայքարում է իրավունքների համար»։
Գործողության արդյունքում բերման են ենթարկվել նաև 3 լրագրող։ Մասնավորապես, Ստամբուլում ձերբակալվել են լրագրողներ Էլիֆ Աքգյուլը և Էրջումենտ Աքդենիզը, իսկ Անկարայում՝ Յըլդըզ Թարը, որոնց հետաքննության շրջանակներում 24 ժամով արգելել են հանդիպել փաստաբանի հետ։ Ձերբակալվածների թվում է նաև նկարչուհի Փընար Այդընլարը։
Այս ենթաբաժնի վերջին նորությունները
Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։
Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։
Պատճառն այն է, որ Օզգյուր Օզելը «վիրավորական խոսքեր» է հնչեցրել Ստամբուլի գլխավոր դատախազ Աքըն Գյուրլեքի հասցեին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Իսրայելի կողմից իրանական ռազմավարական օբյեկտների վրա իրականացված հարձակման հետևանքով նավթի միջազգային շուկաներում գները զգալիորեն բարձրացել են։
Ֆիդանն ու շեյխ Ալ Սանին զրույցի ընթացքում քննարկել են Գազայում հրադադարի ապահովմանն ուղղված ջանքերը:
Թուրքական աղբյուրների հաղորդմամբ՝ ինտերնետի արագությունը զգալիորեն նվազել է, իսկ հեռավար կապի որոշ ծառայություններում նկատվել են խափանումներ։
Քամու առաջին էլեկտրակայանը գործարկվել է 1998 թվականին՝ Իզմիրի Չեշմե շրջանում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |